Doris J. Jensen Naalakkersuisuniit tunuarpoq

Peqqissutsimut, Isumaginninnermut Inatsisinillu Atuutsitsinermut Naalakkersuisoqarfimmi akisussaaffiit ullumikkumiit Aatsitassanut Suliffeqarnermullu Naalakkersuisumiit Erik Jensen-imit akisussaaffigineqarallalerput

Naalakkersuisut Siulittaasuata Kim Kielsenip Inatsisartunut ilisimatitsissutigaa Doris Jakobsen Jensenip Naalakkersuisuniit tunuarnissani kissaatigalugu nalunaarutaa akueriniarlugu aalajangersimalluni. Taamaalilluni Doris Jakobsen Jensen ullumikkumiit Naalakkersuisuujunnaarpoq.

Sukumiinerusumik paasisaqarusuttut naalakkersuisup allattaa Eqaluk Høegh attavigisinnaavaat oqarasuaat angallattagaq 562450 sianerfigalugu, imaluunniit e-mailikkut: eqah@nanoq.gl