Kangerlussuarmi misissuineq

Akileraartarnermut Aqutsisoqarfimmi ilanngaaserisut Kangerlussuup Mittarfiani sapaatip akunnerani 37-mi immikkut misissuipput. Tikittut aallalersullu, angalasut nassataat tamakkerlugit nassiussallu misissuiffigineqarlutik.

Akilereraartarnermut Aqutsisoqarfik taamatut annertussuseqartumik siullerpaamik misissuivoq makkulu immikkut misissuiffigineqarlutik:
  • Nioqqutissat akitsuutillit
  • Ikiaroornartut eqqunneqaqqusaanngitsut assigiinngitsut
  • Cites-ip ataani uumasut illersukkat timaasa ilaannik sanaat
  • Aatsitassat
  • Eqqunneqaqqusaanngitsut allat kiisalu nioqqutissat immikkut akuerineqaqqaartussat
  • Akileraartarnermut attuumassuteqartut allat
Misissuineq annertuumik ilikkagaqarfiuvoq , siunissamilu Kalaallit Nunaanni ilanngaaserisut misissuinerannut pilersaarusiornermi iluaqutaajumaarluni. Akileraartarnermut Aqutsisoqarfimmi naatsorsuutigineqarpoq immikkut misissuinerit taamatut ittut pinaveersaartitsinermik sunniuteqarluarumaartut.

Ullut sisamat ingerlanerini arsaarinnissutigineqarput
ikiaroornartoq hash 194,7 gram
Sikaritsit kartonngit 16-it
Imigassat 7,7 literi
Viinni ataaseq
Sikaritsit puussai 1000-it
Immiaaqqat 4 literi

Ilaasut arlaqartut skannerneqarput ataasiakkaallu Politiinut eqqusseriarsimasutut misissugassanngorlugit tunniunneqarlutitk. Taakku saniasigut aningaasanik tigummiaqartut aammalu sulisinnaanermut najugaqarsinnaanermullu akuersissutinik peqanngitsut misissuiffigilluarneqarsimallutik.

Akiliisitsissutigineqartut katillugit 19.222,-kr.-iupput.

Attavissaq
Immikkoortortami pisortaq Ferdinand Hammeken, oqarasuaat 346553