Aqutsiveqarfik Tasiilami qernertanik qilalugartassiissutit tamakkerneqarput

Aalisarnermut Piniarnermut Nunalerinermullu Naalakkersuisoqarfiup matumuuna nalunaarutigissavaa, Aqutsiveqarfik Tasiilami (nunap immikkoortua 6) 2018-imut qilalukkat qernertat pisassiissutaasut 16-it taavalu 2017-imi pisat atunngitsuukkat arfinillit tamakkerneqarmata.

Taamaasilluni aqutsiveqarfimmi qilalukkat qernertat piniaqqujaajunnaarput.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl