Aningaasaqarnermut Siunnersuisoqatigiit nalunaarutaat 2018 saqqummerpoq


Aningaasaqarnermut Siunnersuisoqatigiit nalunaarutaat 2018 tallimanngorneq oktobarip 5-anni ullaakkut tusagassiortunik katersortitsinermi saqqummiunneqarpoq.

Nalunaarusiaq uani atuarneqarsinnaavoq

Aningaasaqarnermut Siunnersuisoqatigiit akit qaffasissusiisa nikerarnerat pisortallu aningaasaqarnerisa napatinneqarsinnaassusia ukiut tamaasa naliliiffigisarpaat.
Aningaasaqarnermut Siunnersuisoqatigiit 2009-mi Naalakkersuisunit pilersinneqarpoq mannalu siunnersuisoqatigiit nalunaarusiaasa qulingiluassaaq saqqummiuppaat.

Aningaasarsiornermut Siunnersuisoqatigiit siulitaassuuffimmit 8 inuttaqartumit aqunneqarput.

Siulersuisut saniatigut Aningaasaqarnermut Siunnersuisoqatigiit soqutigisaqaqatigiiffinnit, Naalakkersuisut allaffissornikkut aqutsisuinit aamma ilisimatusarnermut suliffeqarfinnit ilaasortaaffigineqarput. Ilaasortat, kattuffinnit aamma ilisimatusarnermik suliffeqarfinneersut amma ilisimatusarnermik suliffeqarfinnit pineqartunit toqqarneqartarput.

Ilaasortat sinneri Naalakkersuisunit toqqarneqartarput. Siunnersuisoqatigiinni ilaasortat nalunaarusiap imaanut oqaaseqaateqarsinnaapput, kisianni siulittaasoqarfimmi ilaasortat kisimiillutik nalunaarusiap imassavianut akisussaasuupput.

Paasissutissat sukumiinerusut uani atuakkit: www.naalakkersuisut.gl