Vivian Motzfeldt-ip Naalakkersuisuujunnaarnera pillugu ilisimatitsissut


Ilinniartitaanermut, Kultureqarnermut, Ilageeqarnermut Nunanullu Allanut Naalakkersuisoq Vivian Motzfeldt ulloq 3. oktober 2018 Inatsisartut Siulittaasuattut qinerneqarpoq. Tamatumunnga atatillugu Vivian Motzfeldt ullumi ulloq Naalakkersuisuujunnaarpoq.

Vivian Motzfeldt-ip Naalakkersuisuujunnaarnerata malitsigisaanik, Ilinniartitaanermut, Kultureqarnermut Ilageeqarnermullu naalakkersuisoqarfimmi akisussaaffik ullumi ulloq atuutilersumik Aalisarnermut, Piniarnermut Nunalerinermullu Naalakkersuisumut Erik Jensen-imut, Siumut, nuutsinneqarpoq.

Nunanut Allanut naalakkersuisoqarfimmi akisussaaffik ullumi ulloq atuutilersumik Inuussutissarsiornermut Nukissiuuteqarnermullu Naalakkersuisumut Aqqalu Jerimiassen-imut, Atassut, nuutsinneqarpoq.