Kommuneqarfik Sermersuumi Helikopterimit sisorartitsinermi neqerooruteqarnissamut kisermaassisinnaatitaaffilikkamik akuersissut pillugu innuttaasut suliffeqarfiillu soqutiginnittut qinnuteqaqquneqarput.
Kommuneqarfik Sermersooq Kommunip pilersaarutaanut tapiliut O8-mi katillugit sumiiffinni 2-ni Tunumi Helikopterimit sisorartitsinermi neqeroortitsinissamut kisermaassisinnaatitaaffi-likkamik akuersissutip pissarsiariniarnissaanut innuttaasut suliffeqarfiillu soqutiginnittut qinnuteqarfigisinnaasaannik toqqaanikuuvoq.
Akuersissutinut sumiiffinnik atugassiinerit takornariaqarnermik suliassaqarfimmi Naalakkersuisut periusissiaata ilaattut ilanngussaasutut isigineqassaaq, taanna nunatsinni takornariaqarnermut inuussutissarsiornermi namminersuutigisatut aningaasaliinerit annertusisinnissaannik siunertaqarluni, taamaalillunilu piffissap ingerlanerani siuarsarnermik suliffeqartitsinermillu annertusaasinnaammat.
Qinnuteqaqqusissummut ilanngussanullu apeqqutit 11. oktober 2018 tikitsinnagu Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut e-mailikkut tuniutissapput: isiin@nanoq.gl.
Piffissanut pilersaarutit:
|
29.09.2018
|
Qinnuteqarneq www.businessingreenland.gl/da/udbud -ikkut aamma Sermitsiaq, AG aamma tusagassiorfitsigut allatigut tamanut saqqummiunneqarpoq
|
|
11.10.2018
|
Qinnuteqaqqusissummut apeqqutinik tigusinissamut piffissaliussaq kingulleq
|
|
23.10.2018
|
Qinnuteqaqqusissummut apeqqutit akissutillu nassiunnissaannut piffissaliussaq kingulleq. Apeqqutit akissutillu tamarmik Naalakkersuisut.gl-ikkut aamma inuussutissarsiornermut nittartakkami tamanut saqqummiunneqassapput
|
|
14.11.2018
|
Qinnuteqaatit tigunissaannut piffissaliussaq kingulleq
|
|
November – december 2018
|
Qinnuteqaatit misissorneqarput.
|
|
Januar – februar 2019
|
Akuersissutaasunik Naalakkersuisut nalunaaruteqarput 1. juli 2019-imi atuutilertussanik.
|
Qaaqqusissutitut allakkiaq akuersissummullu atortussat allat, ilaallutik piumasaqaatit, malittarisassiat atugassarisallu tamaasa, ilanngullugit qinnuteqarnermut immersugassaq, aamma qinnuteqarnermut ilitsersuut uani pissarsiarineqarsinnaapput: https://www.businessingreenland.gl/da/Erhverv/Turisme/Ansoegningsskemaer
Qinnuteqaqqusissummut apeqquteqaataasinnaasut Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut nassiunneqarsinnaapput. Apeqqutit tiguneqartut taakkununngalu akissutit tamarmik Naalakkersuisut nittartagaanni ilisarnarunnaarsarlugit tamanut saqqummiunneqassapput.
Qaaqqusissutitut allakkiamut il. il. apeqqutit Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut e-mailikkut nassiunneqarsinnaapput: isiin@nanoq.gl