Isumaginninnermi ministerit akornanni ataatsimiinneq


Isumaginninnermut Inatsisinullu Atuutsitsinermut Naalakkersuisoq Doris J. Jensen aamma Børne- og socialminister Mai Mercado piffissami 24.-27. september 2018-imi Kalaallit Nunaanni ataatsimiipput. Tikeraarneq Sisimiuni aallartippoq kingornalu Kangaamiunut Nuummullu angalassapput.

Ministerit taakku marluk Kalaallit Nunaanni angalanerminni ilaatigut kommunini politikerit naapissavaat, Pissassarfik – Inunnut innarluutilinnut Sullissivik Nunamut Tamarmut Atuuttoq aamma Inuit Innarluutillit Illersuisoqarfiat Tilioq pulaassavaat kiisalu nunaqarfinni aqutsisuni ilaasortat ataatsimeeqatigissallugit.

Isumaginninnermut Inatsisinullu Atuutsitsinermut Naalakkersuisoq Doris J. Jensen angalaneq pillugu ima oqaaseqarpoq
”Børne- og Socialministerieqarfik suleqatigisatta ilagaat, suleqatigiinnitsinnullu pingaaruteqarluinnartuuvoq ingerlaavartumik ataatsimiittarnissarput misilittakkanillu paarlaasseqatigiittarnissarput aamma attuumassuteqarnernik pilersitsisarnissarput. Aammattaaq maanna angalanitsinni nunatta isumaginninnermilu suliassaqarfimmi suliniutitta takutinnissaat nuannaarutigeqaara”.

Paasisaqarnerorusukkuit attavissaq Naalakkersuisup allattaa Rosa Thorsen E-mail: rosat@nanoq.gl
aamma nr. + 299 553303