Pineqartoq: Qaqortoq


Inuit Ataqatigiit siulittaasuat Sara Olsvig ippassaq Qanoruumi oqaatigivaa, Naalakkersuisut kissaatigigaat Qaqortumi nutaamik mittarfiliortoqarnerani missinnaassutsip akulikissusaata misissorneqarnerunissaa.

Naqissuserlara: Naalakkersuisut mittarfiit nutaat sanaartorneqarnissaat aammalu ingerlanneqarnissaat pillugu Kalaallit Airports pilersippaat, taakkuuppullu naliliisussat misissuinerit sorliit pisariaqartinneqassanersut. Misisssuinerit taakkua aallarnisarneqareerput. Aamma Naalakkersuisut suleriuutsimut imaluunniit misissuinernut akulerussinnaannngillat.

Kalaallit Airports A/S-ip ilisimatsippaanga, suliami suleqatigiit pikkorissut Kalaallit Airports A/S-mit, Mittarfeqarfinnit, Air Greenland-mit ASIAQ-mit aammalu FORCE-mit peqataaffigineqartoq, upernaakkut 2018 aallarnerfigalugu misiliummik timmisartornernik piffimmut Qaqortumi mittarfiup inissisimaffissaanut piareersaateqalereersimasoq.

Misiliummik timmisartornerit silap qanoq issusia aalajagersimasup nalaani, teoriimilu silaannaap aalarulunnerani naleqqutinngitsumillu pilersitsiviusumi ingerlanneqassapput. Silalli qanoq issusaa imak ajorsimatiginngilaq, misiliummik timmisartornerit taakkua ingerlanneqarsinnaasimanatik. Silap qanoq issusai immikkuullarittut taakkua ukialernerani- aammalu ukiukkut akulikinnerusumik pisarput.Timmisartornerit pineqartut ingerlanneqareeriarpata inernerusut missinnaassutsip akulikissusaanut eqqornerusunut naatsorsuinermut atorneqassapput.

Maannamut ilisimasat aallaavigalugit Kalaallit Airports A/S-ip naatsorsuutigivaa, Qaqortumi missiinnaassutsip akulikissusaa eqqortoq ullumikkut Narsarsuarmi missinnaassutsimut akilikissutsip eqqortuusup naligissagaa.

Simon Simonsen (Siumut)
Ineqarnermut Attaveqaqatigiinnermullu Naalakkersuisoq