Innarluutillit illersuisuata Aningaasanut inatsisissamut siunnersuummut nalunaarutaanut oqaaseqaat


Sermitsiaq AG-ip ippassaq nittartakkakkut aviisimut ilanngutassiaanni, innarluutillit illersuisuata takutippaa aningaasanut inatsisissami 2019-mut siunnrsuummut akuersissummut naammagittaalliuutini.

Naalakkersuisoq Anthon Frederiksen taanna pillugu imatut oqaaseqarpoq:

”Pingaartippara naqissusissallugu, innarluutillit illersuisuanut inatsit, aningaasatigut sinaakkutit suliassaqarfiilu Inatsisartunit akuerineqarmata. Taamaattumik Inatsisartut, aalajagingaanni aningaasartuutinut sinaakkutit innarluutillillu illersuisuata suliassatut anguniagassai Inatsisartunit aalajagingaapput. Aammattaaq Inatsisartut aningaasartuutinut sinaakkutissat aningaasanut inatsimmi oqaluuserisassat tamaasa aalajangertarpaat. Aningaasanut inatsimmi 2019-mut siunnersuutit ukiamut Inatsisartut 2018-imi ataatsimiinneranni isumaqatiginninniutigineqartussatut saqummiunneqarsimapput”.


Naalakkersuisoq Anthon Frederiksen ullumikkut sisamanngornermi Sisimiunut aallarpoq. Anthon Frederiksenip Sisimiuniinnermini ilaatigut Innarluutillit illersuisuata suliffeqarfik Tilioq pulaassavaa.

Paasisaqarnerorusukkuit attavigiuk Naalakkersuisup allattaa: Judith K. Nielsen, mobil +299 530627, mail: judi@nanoq.gl