Biilit minnerit, snescooterit ATV-llu akitsutaasa allanngortinneqarnissaannik siunnersuutip tusarniaassutigineqarnera

Aningaasaqarnermut Naalakkersuisoq Bilit, snescooterit, ATV-llu akitsuutaannut piaanissamut allanngornissaannullu inatsisissatut siunnersuummik tusarniaassuteqarpoq.

Bilit minnerit minnermik akeqalertut

Bilit minnerit nuannarineqarluartut, atuinikitsut, suli akikinnerulersinneqarniarput. Bilit mikisut, ilaqutariit akunnattumik isertitallit nalinginnaasumik piumanerusartagaat, akitsuutitigut 25.000 koruunit tikillugit oqilisaavigineqassapput. Taamaasilluni akitsuusersorneqarneri malunniuteqarluartumik appariaateqartinneqassapput.

Snescooterit aammalu ATV-t akitsuutaarussapput
Snescooterit (qamuteralaat) ATV-llu (sisamanik assakaasullit) akitsuuserneqaratik eqqunneqarsinnaalernissaat uani inatsisissami siunnersuutigineqarput. Aammattaaq ukiumoortumik aqqusinikkut angallannermi akitsuut ATV-nit peerneqarnissaa siunniunneqarpoq.

Snescooterit inuussutissarsiornermut atorneqartarput, minnerunngitsumik aalisartunit, annertusiartuinnartumillu takornarialerinermi atorneqariartuinnarlutik. ATV-t ulluinnarni sumiiffiit aqqusineqarpianngitsuni atorneqarluartarput.

Tassa una inatsisissatut siunnersuummi inuussutissarsiornikkut siuarsaanissaq, aammalu nunaqarfinni inoqarfinnilu avinngarusimasuni inuuniarnikkut oqilisaaniarneq ilaatigut anguniarneqarpoq.

Bilit ataatsimut ikummatissamik innaallagiamillu motorillit (hybdridbil-it)
Maanna hybridbil-it bilit allatuulli eqqunneqarnerini akitsuuteqaratik, ukiumoortumut motorinut akitsuuteqanngillat. Hybridbil-it akissaqarnerusunit atorneqartuupput, bilillu taaneqartut nuannaarniutitut bilitut isigineqarsinnaallutik, ilaatigut taakunannga pisiarineqarput Porsche, Mercedes.

Bilinut taaneqartunut aasit akitsuuteqanngikkallartitsinermut kinguartitseqqiineq ulloq 31. December 2018 taamaatissaaq. Inatsisissatut siunnersuummi bilinut akitsuutit naliginnaasumik nalimmassarneqarnissaat siunnerfigineqarpoq, tamatumani bilit taakkua bilit allat naligalugit akiliisinneqartalissallutik.

Hybridbil-eqareersulli kingumoortumik eqqussinermi akitsuutinik akiligassinneqassanngillat. Aatsaat bilit 1. januar 2019 kingorna eqqunneqartut eqqussinermi akitsuusersorneqassapput. Hybrid-it bilit allat assigalugit ukioq nutaamiit aqqusinerni angallannermi akiliuteqartalissapput.

Bilit innaallagiaannartortut
Bilit innaallagiartortut, motorimik ikummatitaqanngitsut, suli eqqussinermi akitsuusersorneqassanngillat. Taamaasilluni akitsuuteqanngisitsigallarnerup pisariaqartinneqarnera atorunnaassaaq. Taakkua bilit aqqusinermi atuinerminnut, bilit allat assigalugit, akiliuteqartinneqarnissaat siunnerfigineqarpoq.

Annertunerusumik paasisaqarnerorusukkuit saaffissaq: Naalakkersuisup allattaa Qarsoq Høegh-Dam Toqq./direkte 34 52 12 qars@nanoq.gl