Naatsorsuutigineqarpoq kapisilinniarneq aggustip 15-ianni aallartissasoq

Naatsorsuutigineqarporlu ukioq manna kapisilittassiissutigineqartussat inuussutissarsiutigalugu sunngiffimmilu aalisartunit aalisarneqassasut.
Kapisilinniarneq aallartitsinnagu ukioq manna kapisilittassiissutigineqartut pillugit ilisimatitsisoqarumaarpoq, soorlu aamma kapisilinniarnermi malittarisassat sukumiinerusut piumasaqaatigineqartullu aamma ilisimatitsissutigineqassasut.

Attavigineqarsinnaavoq: Aalisarnermut, Piniarnermut Nunalerinermullu Naalakkersuisoqarfimmi siunnersortaaneq. E-mail: emro@nanoq.gl