EU-p aalisarnermut siunertanut aalajangersimasunut 2019-imi tapiissutissai isumaqatigiissutigineqarput

Aalisarnermut, Piniarnermut Nunalerinermullu Naalakkersuisoqarfik EU-p siunertanut aalajangersimasunut 2019-imi tapiissuteqarnissaanut isumaqatigiissuteqarpoq. Siunertanut aalajangersimasunut tapiissutit EU-p suleqatigiinnissamik isumaqatigiissutaata ilagai, ukiumut 21,8 million koruunit tapiissutigineqartarlutik.

Tapiissutit nunatta aalisarnermut pisortatigut allaffissornikkut ingerlanneqarnerata ineriartortinneqarneranut atorneqartarput, aamma aalisarnerup nakkutigineranut aamma aalisagaqassutsimik misissuinernut atorneqartarlutik.

Tapiissutitit sinerissap qanittuani aalisariutitaarnissamut inatsisartut aningaasaqarnermut inatsisaa tassaasoq aalisarnermut aningaasaliissutinut immikkoortitat (tapiissutitut aningaasaliissutit) tunngavigalugu aningaasaliinernut tapertaasarpoq aamma inuussutissarsiutigalugu umiatsiaarartaanissamut tapertaritinneqartarluni.

Nuummi atorfilittatsigoortumik juulip 11-anni, 12-anni aamma 13-ianni isumaqatiginniartoqarpoq. Kalaallit isumaqatiginniartitaasa pisortaraat Emanuel Rosing Aalisarnermut, Piniarnermut Nunalerinermullu Naalakkersuisoqarfimmeersoq. Atorfilittat allat aamma Naalakkersuisoqarfimmeersut peqataapput, aamma Kalaallit Nunaanni Aalisarsinnaanermut Akuersissutinik Nakkutilliisoqarfimmit sinniisoqartitsisoqarpoq, Pinngortitaleriffimmit, Kalaallit Nunaata EU-mi sinniisoqarfia aamma Ilinniartitaanermut, Kultureqarnermut Ilageeqarnermut Nunanullu Allanut Naalakkersuisoqarfik sinniisoqartitsillutik.

Paasissutissanik amerlanerusumik paasisaqarusukkuit isumaqatiginniarnermi pisortaq Emanuel Rosing paasiniaavigisinnaavat, e-mail: emro@nanoq.gl