Ilaqutariit qitiutillugit

Ilaqutariit inuiaqatigiinni pingaarnerpaatut sukaapput taamaattumillu Naalakkersuisuniit suliniutit suleriaatsillu ineriartortinniarpaat, meeqqanut tunngasuni suliani ilaqutariinnik- aamma angajoqqaanik peqataatitsinerunikkut qulakkeerinninnissaq anguniar-lugu.Ilaqutariimmi akisussaaffik annertunerpaaq tigummivaat meeqqamik atugarissaar-tuunissaat anguniarlugu.

Oqartussaaffik tamanna ineriartortinniarlugu pingaaruteqarpoq nunanut qanigisatsinnut pitsaasumik angusaqarfiusimasunut isumassarsiornissarput.

Anthon Frederiksenip sisamanngornermi 28. juni Hvidovre Kommune pulaarpaa 2015-imiilli meeqqanut inuusuttunullu inuuniarnerminni saanngiitsumik inissisimasunut, imaluunniit navianartorsiornissaminnut uloriarnartorsiorsinnaasunut aaqqiissutissanik angusassamik toraagalimmik ingerlataqarsimasut, taamaaliornermikkullu ikiuiaarnikkut pinaversaartitsineq angusaqarfiunerusussaq anguniarsimallugu.

”Pulaarnerup uuma takutippaa meeqqanut inuusuttunullu inuuniarnerminni sanngiitsumik inissisimasunut suliniuteqartarnermi eqqarsartaaseq allanngortinneqartariaqartoq atortorisattalu naleqqussartariaqarneri pisariaqartut” taama oqarpoq Naalakkersuisoq Anthon Frederiksen.

Anthon Frederiksenillu oqaatsini nangippai ”Kalaallit Nunaanni ilaqutariit pingaaruti-lerujussuupput, taamaattumik meeqqanut inuussuttuaqqanullu sullissinitsinni nukiit taak-ku peqataatinnerusariaqarpavut. Hvidovre Kommunemut pulaarninni suleriaatsit nutaar-luinnaat takusimavakka, ilaqutariit peqataatinneqarnerusut meeqqanut inuusuttunullu sul-lissinermi. Suleriaatsit kalaallit nunatsinni ilaqutariinnut ikiuiniarnermi immikkut misissue-rujussuaqqaanngikkaluarluni atorluarneqarsinnaasut. Suliniutit taamaattut angerlarsimaf-fiup avataanut inissiisarnerit ikilisiinnarnagit, angajoqqaat meeqqaminnut isumassortitut inissisimanerat aamma nukittorsarneqarsinnaavoq”.

Hvidovre Kommunemi allatut suleriaaseqalerneq qaavatigut aningaasartuuteqarfi-ginngikkaluarlugu aaqqinneqarsinnaasimavoq. Angerlarsimaffiup avataanut inissiisarne-rit ikilisinneqarnerisigut ineriartortitsinermut suliaqarnissamut nukiit atornissaannut periar-fissaqalersitsisimavoq.


Hvidovrep Kommuneani meeqqanut inuusuttunullu sanngiitsumik inissisimasunut sule-riaatsip allanngortinneqarsimanera nalilersorneqaqqammerpoq. Paasisaqarnerorusukkuit uani atuarsinnaavat:
https://socialstyrelsen.dk/udgivelser/evaluering-af-omlaegning-af-indsatsen-for-udsatte-born-og-unge

Paasisaqarnerorusukkuit attavissaavoq Naalakkersuisumut allatsimut, Judith K. Nielsen-imut, tlf. nr. +299 530627. Mail: judi@nanoq.gl