Nakorsat qullersartaavat

Berit Bjerre Handberg oktobarip aallaqqaataaniit 2018 Kalaallit Nunaanni peqqinnissaqarfimmi nakorsatut qullersanngusaaq.

Berit Bjerre Handberg nakorsaaneruvoq sinititsinermik immikkut ilisimasalik. Danmarkimi nunap avannaani qaffasissumik ilinniagaqarniarluni ingerlaqqiffinnut allatseqarfimmi pisortatut, nunallu immikkoortuani Jyllandip qeqqani peqqinnissaq pillugu ilinniarnernut allaffimmi pisortatut atorffeqarpoq. Tamatuma saniatigut Aarhus Universitetshospitalimi peruluttunut immikkoortortami I-mi ilaatigut pitsaassutsimik suliniuteqarnermi ataqatigiissaarisutut napparsimmaviup pitsaassutsit nunarsuaq tamakkerlugu akuerisaasut tunngavigalugit akuerisaanissamut suliniutaa akisussaaqataaffigalugu
nakorsaasimavoq.
Kalaallit Nunaanni nakorsatut qaffasinnerpaamik akisussaafeqartutut peqqinnissaqarfimmilu qullersat ilaattut Berit Peqqinnissaqarfimmi nakorsaanerup pitsaassusaanik qulakkerillunilu inerisaassaaq,
kiisalu politikkikkut aalajangersakkanik piviusunngortitsinissamik qulakkeerissaaq allannguiniarnernilu siuttuussalluni.

Suleqatissaq nukittooq
- Beritip nakorsatut tunuliaqutigisaa, peqqinnissamut tunngatillugu allaffissornikkut ingerlatsineq kiisalu sulianut politikkimut tunngassutilinnut piginnaasaqarnera misilittagaalu ataatsimoortillugit, atorfinititsinermi tunngaviupput, Aqutsisoqarfiup pisortaa Malene Marie Nielsen oqarpoq.
- Allaffissornikkut ingerlatsinermi suliamigut peqqinnissakkut sullissisut qanimut suleqatigai nalinginnaasumillu Peqqinnissaqarfimmi pitsaassutsip nukittorsaaviginissaanik suliniuteqarnermi peqataassalluni nukittooq, Aqutsisoqarfiup pisortaa oqarpoq.

Peqqinnissaqarfik nutaamik eqqarsartoq
Beritip Peqqinnissaqarfimmi innuttaasut tamarmik pitsaasumik kiffartuunneqarnissaat qulakkeerniarlugu takorluuisinnaasumi nutaamik eqqarsartumi nakorsat qullersaattut atorfigiligassani qilanaaraa.
- Atorfininnissara qilanaareqaara. Peqqinnissaqarfik- soorlu qarasasiakkut nakorsiartitsisarneq eqqaassagaanni- ineriartornermik ingerlatsilluartoq takusinnaavara. Peqqinnissaqarfiup innuttaasoq
qitiutillugu sulianik ingerlatsineranut, peqqinnissaqarfimmik ataqatigiissumik, ilinniagaqassutsikkut kiffartuussinikkullu innuttaasunut nunap immikkoortuini sumiikkaluanut pitsaassutsimik qaffasissumik
inerisaanermik ukkassiviusumi akuulernissaq qilanaaraara.

Beritip uigaa Bent Handberg. Inersimasunillu pingasunnik meeraqarlutik.

Attavissaq
Aqutsisoqarfiup pisortaa Malene Marie Nielsen oqarasuaat: +299 34 43 00 imal. e-mail: sundhedsledelsen@peqqik.gl.