Qilalukkanik qernertarniarnermi piniarfissat immikkoortukkuutaat agguataarnerat

Upernaviup eqqaani upernaakkut aasakkullu qilalukkanik qernertarniarnerup nalaani, APNN kommunimiit piniarnermillu nakkutilliisumiit arlaleriarlugu nalunaarutinik pisarsimavoq, piniarfissat immikkoortunit allaniit piniartunik piniarfissaq immikkoortoq 3-mi, Qimusseriarsuarmi qilalukkanik qernertarniartoqartartoq.

APNN-imiit erseqqissaatigineqassaaq, piniartoq qernertarniarnissamut akuersissutilik, piniarfissami immikkoortumi tunniunneqarfiani taamaallaat qernertamik pisaqassasoq, qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaat nr. 3, 27. januar 2017-imeersumi § 7, imm. 3 aamma 4 takuuk. Piniarfissat immikkoortut akimorlugit piniarneq taamaammat unioqqutitsineruvoq, akiliisitsinermik aamma pisamik arsaarinnissuteqarnermik Kalaallit Nunaanni pinerluttulerinermik inatsit malillugu pineqaatissiissutaasinnaasoq.

Nunap assinga ilanngussami piniarfissat immikkoortui takuneqarsinnaapput.

Paasissutissanik suli allanik, uani taaneqanngitsunik pissarserusukkaanni Aalisarnermut, Piniarnermut Nunalerinermullu Naalakkersuisoqarfimmi immikkoortortaqarfimmi pisortamut Amalie Jessen-mut saaffiginnittoqarsinnaavoq, oqarasuaat 34 53 04, e-mail: amalie@nanoq.gl

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl