Karrat Kangerluanni qaqqap sisoorsinnaaneranik naliliinerit kingulliit Kim Kielsen-ip saqqummiukkai

Kalaallit Nunaanni Upalungaarsimanermut ataatsimiititaliap Karrat Kangerluanni qaqqap sisoorneranut tunngatillugu pisunut upalungaarsimanikkut naliliinera nutartigaq

Naalakkersuisut Siulittaasuata Kim Kielsen-ip Nuugaatsiarmiut Illorsuarmiullu arfininngornermi ualikkut Ineqarnermut Attaveqaqatigiinnermullu Naalakkersuisoq Simon Simonsen peqatigalugu ataatsimeeqatigai. Innuttaasunik ataatsimiititsineq Atuarfik Edvard Krusep inersuani ingerlanneqarpoq.

Innuttaasunik ataatsimiititsinermi tassani Naalakkersuisut Siulittaasuata Kalaallit Nunaanni Upalungaarsimanermut ataatsimiititaliap Karrat Kangerluanni qaqqap sisoorsinnaaneranut tunngatillugu naliliinerit nutartikkat saqqummiuppai.

Kalaallit Nunaanni Upalungaarsimanermut ataatsimiititaliap Karrat Kangerluanni qaqqap sisoorneranut tunngatillugu pisunut upalungaarsimanikkut naliliinera nutarterneqaqqammersoq – Naalakkersuisullu Siulittaasuata innuttaasunik ataatsimiititsinermi saqqummiussaa – una toorlugu PDF-inngorlugu pineqarsinnaavoq.

Sukumiinerusumik paasisaqarusuttut attavigisinnaavaat Naalakkersuisumut allatsi Eqaluk Høegh oqarasuaatikkut 56 24 50 sianerfigalugu, imaluunniit e-mailikkut allaffigalugu: eqah@nanoq.gl