Nerisassanik nittartakkatigut attaveqatigiittarfikkut tuniniaasarneq pillugu

Kalaallit Nunaanni Uumasunut Nakorsaqarnermut Inuussutissalerinermullu Oqartussat paasissutissiipput:

Kalaallit Nunaanni Uumasunut Nakorsaqarnermut Inuussutissalerinermullu Oqartussaqarfiup (UNIO-p) inuinnaat nerisassanik nittartakkatigut attaveqatigiittarfikkut tuniniaasarnerat annertusiartuinnartoq maluginiarpaa. UNIO-p malu-giniaqquaa tamanna UNIO-miit akuersissummik peqqaartinnani pisinnaanngim-mat.  

Kinaluunniit suliffeqarfimmik nerisassaleriffiusumik ingerlatsisoq ”Inuussutissanik nersutillu nappaataannik inunnut tunillaassorsinnaasunik nakkutilliineq pillugu Inatsisartut peqqussutaat nr. 17, 28. oktober 1993-imeersoq” § 10 imm. 1 malillugu akuerisaaqqaarsimassaaq. Suliffittut nerisassaleriffittut akuersissummik peqartinnani inuussutissarsiutigalugu nerisassanik suliarinninneq, toqqortaqarneq, ingerlassineq nioqquteqarnerlu inerteqqutaavoq. Suliffeqarfiit nerisassaleriffiusumik ingerlatsisut inuussutissanik isumannaatsuutitsinissamut malittarisassat  inatsisiliorneq atuuttoq naapertorlugu naammassisinnaassavaat, matumani ”Suliffeqarfiit inuussutissaleriffiusut pillugit Namminersornerullutik Oqartussat nalunaarutaat nr. 21, 27. juli 1998-imeersoq”.

Suliffeqarfittut nerisassaleriffittut akuersissummik piniaraanni UNIO-mut qinnuteqartoqassaaq. Qinnuteqaat UNIO-p emailianut nassiunneqarsinnaavoq uunga: uumasut@nanoq.gl.  

Sulisitsisut nittartagaanni qinnuteqarniarnermi immersuiffissaq aammalu suliffeqarfiit nerisassaleriffiusut pillugit paasissutissat allat paasiniarsinnaavatit uunga: http://www.businessingreenland.gl/da/Fiskeri,-Fangst-og-Landbrug/Veterinaer-og-foadevarevirksomhed/Foadevarevirksomhed.

Suliffeqarfittut nerisassaleriffittut akuerineqarsimanissamik piumasaqaammut ilaanngitsut tassaapput inuit/suliffeqarfiit ilaannikkuinnaq atuisumut toqqaannartumik takutitsinerni, ussassaarinermi allaniluunniit pisunut atatillugu suliarinnittartut nioqqutiginnittartullu. Piumasaqaatit tulliuttut naammassigaanni aallaavittut suliffeqarfiutigisaq akuerineqaqqaartariaqassanngilaq:

  • Ukiumut aaqqissuussani qulinit ikinnerusunik tuniniaasaraanni.
  • Tuniniaanerit tamarmik sivisussusaasa ukiumut ullut 30-t sinnersimanngippatigit. 

Inuit/suliffeqarfiit nerisassanik ilaannikkuinnaq tuniniaasartut suli eqqiluisaarnikkut maleruagassat ”Suliffeqarfiit inuussutissaleriffiusut pillugit Namminersornerullutik Oqartussat nalunaarutaat nr. 21, 27. juli 1998-imeersoq” kapitalini 1, 9, 10, 11 aammalu 12-imi allattorsimasut naammassisinnaassavaat. 

Apeqqutissaqartut UNIO-mut saaffiginninnissamut tikilluaqqusapput.

Kalaallit Nunaanni Uumasunut Nakorsaqarnermut Inuussutissalerinermullu Oqartussat

E-mail: uumasut@nanoq.gl