Silap pissusianut tunngassutilinnik imallit karsit nunatsinni meeqqat atuarfiinut arlalinnut nassiunneqarput

Silap pissusianut tunngassutilinnik imallit karsit ilinniartitseriaatsitut nutaaliaavoq oqallinnissamullu tunngavissaalluni, sungiussiartornissamut ineriartortitaasimasoq. Silap pissusianut karsimi atuartut sungiussiartornerminni pinngortitami ilisimatusarnikkut nassuiaatinik aammalu silap, silap pissusiata silallu pissusiata allannguutaasa ataqatigiinnerinik misileraanissaat misissuinissaallu siunertarineqarpoq.

Silap pissusianut karsimi atortut atuaqatigiit inaanni nalinginnaasuni silamiluunniit atorneqarsinnaapput. Silap pissusianut karsi immikkoortunut arfinilinnut agguagaavoq:

  • Anori silalu
  • Silassaq
  • Ukiup immikkoortui
  • Qanga maannalu sila
  • Erngup kaaviiaartarnera
  • Nunarsuarmi sila

Atortut isumalioqatigiissitap CONCITO-p Pinngortitamut Avatangiisinullu Naalakkersuisoqarfik suleqatigalugu ineriartortitaraa. Atortussat nunatsinni atuarfinni arlalinni ilinniartitsisunit misilerarneqarsimapput. Taamatullu Ilisimatusarfimmi Ilinniartitsinermut Ilisimatusarfik aamma Iserasuaat ilanngussaqarsimapput.

Atortussat Namminersorlutik Oqartussat silap pissusianut nittartagaat www.climategreenland.gl aqqutigalugu digitaliusumik pissarsiarineqarsinnaapput.

Nuannisarluarisi.

Annertunerusumik paasisaqarusunnermi Pinngortitamut Silallu Pissusianut Immikkoortortaqarfimmi pisortaq Karen Motzfeldt tlf. 346019-imut, e-mail: KARM@nanoq.gl. attaveqarfigineqarsinnaavoq.