Unnummi kulturisiorfimmi eqqukkat atorneqarput

Ukioq manna januaarip ulluisa 20-anni unnummi kulturisiorfimmi pulaartut Peqqinnissaqarfik pillugu nalorsitsaarinermi peqataasinnaasimapput ulluinnarnilu peqqinnartumik inuunissamut ikorfartuisumik kajumissaataasumillu eqquillutik. Inersimasut Maria Grødem peqatigalugu Willpower Bootcampernermik eqquisinnaapput meeqqallu klassimi atuaqatigiit tamakkerlutik 'Peqqinnartunik mamakujuttutortut' qulequtsiullugu Greenlandic foodlover Anne Nivika Grødem peqatigalugu suleqatigiissuteqarnermik eqquisinnaallutik.

Meeqqat akornanni eqquisoq tassaavoq Pipaluk Aarup Vraas inersimasunilu Heidi Aarup. Eqquisut akissarsiatik upernaap ingerlanerani iluaqutigaat.

'Peqqinnartunik mamakujuttortut’ qulequtsiullugu suleqatigiissuteqarneq

Apriilip ulluisa 13-anni Nuummi NUIF-imeersut 3.klassimi atuartut Nuussuarmi Illorpumi pikkutsaruttorput. Pipaluk Aarup Vraap atuaqataasalu unnummi kulturisiorfimmi akisarsiaq iluaqutsiullugu pimoorussipput; iffiortoqarpoq, agguisoqarpoq, pinnersaasoqarpoq, igasoqarpoq, aserorterisoqarpoq aalaterisoqarlunilu. Meeqqat sikunik HULK-inik tamulugassat bananilinnik, snickers-barinik, daddelinik ammalortulianik, popcorninik cacaolikkanik/kaniililikkanik, paarnanik naatitanik kappussuutanik, æbleskivinik muffinsinillu sanaartorput. Tamarmik atortussanit mamarunarnerpaanit sukkukinnerpaanillu sanaat.

Meeqqat tamarmik saaliaqummik, igasut nasaannik, atuakkamik "Aalisa-Igasa-Nerisa" qulequtalimmik aalisakkanik iganermut ilitsersuutinik imalimmik, namminneq nerisassiornissamut ilitsersuutiminnik ooqattaagassanillu ilaquttaminnut angerlaassipput.

Maria Grødem peqatigalugu Willpower Bootcamperneq

Heidi Aarup, Willpower Bootcampernermik eqquisoq sap. ak. siuliani, sap. ak. sisamani anguniagassatut siunniussat angunissaannut, timip qaratsallu pissusissamissut qisuariaataasa piumassutsimik inerisaanissamut iluaqutaasut paasinissaannut ajugaaffiginissaannullu sakkussiisoq, aallartippaa.

”pissanganarlunilu nuannerpoq – assullu unammillernarluni – akissarsiaq allakkajaaq torrattoq. Taanna ulluinnarni sungiusarninnut ilaavoq pitsaalluinnartoq,” Heidi oqaluttuarpoq.

Sukumiinerusumik paasisaqarusuttut attavigisinnaavaat aqutsisoqarfiup pisortaa Malene Marie Nielsen oqarasuaat: +299 34 43 00 imal. e-mail: sundhedsledelsen@peqqik.gl.