Naasut, sullernit silallu pissusaata allannguutai pillugit podcast nutaaq

Silaannarsuarmi avallermiillutit takorlooriaruk. Tassanngaanniit nunarsuaq allanngoriartortoq isiginnaarsinnaavat. Nunarsuaq qanilliartorpat Pinngortitaleriffiullu eqqaanut millutit. Tassani Pinngortitaleriffimmi ilisimatooq naapippat, taassumalu Pinngortitaleriffiup qanoq iliorluni silap pissusiata allannguutaanik – allannguutinik naasunut, sullinernut inuiaqatigiinnullu tamarmiusunut sunniuteqartunik - misissuinera pillugu oqaluttuuppaatit.

Pinngortitamut Avatangiisinullu Naalakkersuisoqarfik silap pissusiata allannguutai pillugit podcast-imik suliaqartitsivoq. Podcast tassaavoq radiukkut nipitalerlugit oqaluttuarnermut assingusoq, qarasaasianniit smartphone-nniilluunniit aallugu tusarnaarsinnaasat.

Podcast tusarnaarusukkukku www.climategreenland.gl iserfigalugu imaluunniit http://climategreenland.gl/gr/podcast-kalaallisut/ toorlugu aasinnaavat. Podcast-ip ateraa Naasut, sullernit silallu pissusiata allanngoriartornera.

Podcast-imi oqaatsit atorneqartut kalaallisuujupput aammalu minutsit 15-it missaannik sivisussuseqarluni.

Nuannisarluarina!

Annertunerusumik paasisaqarusukkuit Pinngortitamut Silallu Pissusianut Immikkoortortaqarfimmi pisortaq Karen Motzfeldt tlf.: 346019-imut imaluunniit e-mail: karm@nanoq.gl aqqutigalugu attaveqarfigiuk.