Nipisanniarnerit sivitsorneqarput

Naalakkersuisut ullumi pingasunngornermi, maajip 23-anni aalajangerput nipisanniarnerit aqutsiveqarfinni arlalinni sivitsorneqassasut.

Aqutsiveqarfimmi NAFO 1F-imi nipisanniarneq ullunik 10-nik sivitsorneqarpoq, aalisarneq juunip 2-anni aatsaat unitsinneqassalluni.

Aqutsiveqarfimmi NAFO 1E-mi nipisanniarneq ullunik aamma 10-nik sivitsorneqarpoq, aalisarneq juunip 2-anni 2018 aatsaat unitsinneqassalluni.

Aamma aqutsiveqarfimmi NAFO 1D-mi nipisanniarneq juunip 5-anni 2018 unitsinneqassaaq, aamma NAFO 1C-mi juunip 8-anni unitsinneqassalluni.

Sivitsuinermut ilaatigut patsisaasut ilaat tassaavoq nunap isuata sineriaata qanittuani sikorsuaqarujussuarnera. Sikorsuit pisuullutik Kujataani sivisuumik nipisanniartoqarsimanani.

Attavigineqarsinnaavoq Aalisarnermut, Piniarnermut Nunalerinermullu Naalakkersuisoqarfimmi AC-fuldmægtig, John Biilmann. Email: johb@nanoq.gl