Mittarfiit annertusaavigineqarneranni sunniutaasussanik nalilersuineq Alloriarneq 2 saqqumminneqarpoq

”Mittarfiit annertusaavigineqarneranni inuiaqatigiit aningaasaqarnerannut sunniutaasussanik nalilersuineq, Alloriarneq 2”-mik saqqummiussineq

Tusagassiorfiit arlallit Mittarfiit annertusaavigineqarneranni inuiaqatigiit aningaasaqarnerannut sunniutaasussanik nalilersuineq, Alloriarneq 2 pillugu allagaatinik takunnikkumallutik qinnuteqarsimapput.

Misissueqqissaarneq Kommuninut, Nunaqarfinnut, Isorliunerusunut Attaveqaqatigiinnermullu, Ineqarnermullu Naalakkersuisoqarfimmut 20. april 2018-imi tunniunneqarpoq. Nalilerneqarpoq misissueqqissaarneq tamanut annertuumik soqutiginartuusoq, taamaattumillu misissueqqissaarneq suli nutserneqanngikkaluartoq maanna saqqummiunneqarpoq.

Naalakkersuisoqarfiuttaaq nalilerpaa, misissueqqissaarnermi paasissutissat ilaat Kalaallit Airports A/S-ip ingerlatsineranut suliaanullu tunngassuteqartut. Naalakkersuisoqarfiup naliliinera naapertorlugu, suliffeqarfimmut aningaasaqarnikkut annertuumik pingaaruteqartoq, paasissutissat toqqarneqartut saqqummiunneqannginnissaat. Taamaattumik paasitinneqarsinnaatitaanermut inatsimmi § 12, imm. 1, nr. 2 naapertorlugu paasissutissat pineqartut saqqummiunneqanngillat.

Tunngavilersuutit ataani allanneqarput:

Kalaallit Airports A/S-ip sinneqartoorutissaatut kiisalu periarfissanut assigiinngitsunut aningaasartuutissatut naatsorsuutigineqartut (qupp. 27, 28, 29, 32, 33, 39, 43 aamma 44).

Kalaallit Airports A/S-ip sinneqartoorutissaatut naatsorsuutigineqartunik tamat ilisimasaqarnerata suliffeqarfiup taarsigassarsiffiusinnaasunut isumaqatiginninniarnera ajoqusersinnaavaa. Taamaattumik tunngavigineqarpoq, taarsigassarsiniarluni isumaqatigiissuteqarnissat sioqqullugit taarsigassarsiffiusinnaasut naatsorsuutinik ilisimaligaqarpata, Kalaallit Airports A/S-ip isumaqatiginninniarnermi inissisimaneranut akornutaalerneranik nassataqarsinnaammat.

Periarfissanut assigiinngitsunut aningaasartuutissat tamat ilisimalerpatigik, tamanna Kalaallit Airports A/S-imut innarliisinnaavoq, Kalaallit Airports A/S-ip sanaartornermut aningaasaliinissaatut naatsorsuutigineqartut paasissutissat taaneqartut atorlugit ajornanngitsumik kingumut naatsorsorneqarsinnaammata. Tamannalu tunngavigineqarpoq, entreprenørit neqerooruteqarsinnaasut Kalaallit Airports A/S-ip nammineq suliaq sioqqullugu neqeroortitsinissamut missingersuutaanik ilisimasaqalerpata, tamanna unammillernerup annikillinissaanik nassataqarsinnaammat, sanaartornermullu aningaasartuuteqarnerunermik kinguneqarsinnaalluni.

Kalaallisoortaa tiguneqarpat erngertumik saqqummiunneqassaaq. (Kalaallisut allassimasoq ikkunneqarpoq 23. maj 2018)

"Mittarfiit annertusaavigineqarneranni inuiaqatigiit aningaasaqarnerannut sunniutaasussanik nalilersuineq, Alloriarneq 2", PDF-inngorlugu nuisissinnaavat. 

Attavigiuk: Ruth Lindhardt uunga rli@nanoq.gl imaluunniit +299 34 54 53.