Qimminik qitsunnillu nigarniaasarnermut toqutsisarnermullu tunngasut

Qimmimik qitsummilluunniit piginnittutut qimminik qitsunnillu nigarniaasarnermut toqutsisarnerlu pillugit suut ilisimasariaqarpigit?

Ulloq 1. februar 2018 ”Qimminik qitsunnillu nigarniaasarnermut toqutsisarnermullu Namminersorlutik Oqartussat nalunaarutaat nr. 25, 28 december 2017-imeersoq” atuutilerpoq. Nalunaarut Kalaallit Nunaanni qitsunnut qimminullu tamanut atuuppoq, taamatuttaaq aamma qimminut qimuttunut.

Kalaallit Nunaanni Uumasut Nakorsaqarfik Inuussutissalerinermullu Oqartussaaffik tassunga atatillugu innuttaasut tamakkunatigut pisussaaffiinik piginnaatitaaffiinillu ilisimatitsissuteqarfiginiarpaat.

Toqutsinissaq siunertaralugu tigusisarneq taamaallaat kommunimit imaluunniit piginnittup nammineerluni piumasaqarneratigut suliarineqarsinnaavoq. Tassa imaappoq illit nammineerlutit inuit allat qimmii qitsuutaalluunniit toqunneqarnissaat siunertaralugu tigusinnaanngilatit.

Uumasoq tiguneqarsimasoq chippimik nalunaaqutsiussaq, qungasequt nalunaaqutsiussarluunniit alla atorlugit piginnittussarsineqarsinnaappat illit piginnittutut kommunimit toqqaannartumik ilisi-matitsissuteqarfigineqassaatit paasitinneqarlutillu sumi qaqugulu uumasuutit aasinnaanerit. Uumasut tiguneqartut kommunimit sivikinnerpaamik nalunaaquttap akunnerini 72-ini toqunne-qartinnagit allamulluunniit inissinneqartinnagit inuttassarsiuunneqartussaapput.

Qimmeqaruit qitsuuteqaruilluunniit toqunneqartussamik tamanna kommunimit sulisumit aallaan-nilluni qimminik toqoraasartumit imaluunniit uumasut nakorsaannit akuerisaasumit nakorsaam-mik atuilluni naammassineqarsinnaavoq. Ilisimassavat toqutsinermut atatillugu uumasut nakor-saannit ikiorneqarnissaq taamaallaat Qaqortumi, Nuummi Ilulissanilu periarfissaammat. 

Uumasut nakorsaannukarnissannut periarfissaqanngikkuit imaluunniit kommunimi sulisumik qim-minik toqoraasartumik atuerusunngikkuit taava illit nammineq qimmit qitsuutilluunniit tigoriarlugu toqussinnaavat. Qanittuaqqamiit aallaannilluni tamanna pissaaq taamaallaallu illoqarfiup nunaqarfiulluunniit killeqarfianiit minnerpaamik 500 meterinik ungasissusilimmi suliarineqarsinnaalluni.

Toqutsineq imatut pisassaaq uumasoq timimigut misigissutsimigullu annikinnerpaamik naalliuute-qartussanngorlugu. Tamannattaaq toqutsilersinnani qajannaarlugu aalaakkiinermut atuuppoq.

Toqutsinermut qoorortooq minnerpaamik kaliber .22 magnum timmiarsiulluunniit minnerpaamik kaliber 20 atussavatit. Uumasoq niaquatigut qaakkut uummaterorluguluunniit aallaaneqassaaq.

Uumasuutit nammineerlutit toqussimagukku eqqaamassavat kommunimut qimmeerunnerit qi-suutaarunnerilluunniit ilisimatitsissutigissagakku.

Toqutsereeraanni qimmeq qitsulluunniit toqungasoq illersorneqarsinnaasumik iginneqassaaq. Pi-ngaarnersiuilluni tulleriiaaraluni uumasoq toqungasoq imatut iginneqassaaq:

1)      ikuallaanikkut, ikuallaasarfimmi allatulluunniit taamaalilluni uumasup sananeqaatai tamar-mik eerneqarlutik, imaluunniit

2)      imaani kiversaanikkut, imaluunniit

3)      nunamut assaallugu ikkannerpaamik nunami 1 meterimik qaarsumiluunniit itissusilimmut. Iliveq tulliullugu issumik ujaraaqqanilluunniit matoorneqassaaq.

Qimmit qitsuilluunniit tunillaassuuttumik nappaateqalernermik imaluunniit tunillaassuuttumik nappaateqalernissamik pasisaqarnermik pissuteqartumik toqunneqartut, tunillaassuuttoqarsin-naanera eqqarsaatigalugu ikuallanneqartassapput. Uumasoq toqungasoq toqqaannartumik ikual-laasarfimmukaanneqassaaq nunaannarmullu qimanneqassanngilaq, uumasut allat toqungasumik attuiffigisinnaasaannut.

Qimminik qitsunnillu taamatullu uumasunik allanik toqutsinissaq pillugu apeqqutissaqartoqartillu-gu Kalaallit Nunaanni Uumasut Nakorsaqarfik Inuussutissalerinermullu Oqartussaaffimmut ug-guuna attaveqarfigineqarsinnaavoq uumasut@nanoq.gl imaluunniit 34 50 00 oqarasuaatip nalinginnaasumik ammaffiani, ataasinngornermiit tallimanngornermut nal. 9 - 15.