Aasaanerani nalunaaqutaq

Nalunaaqutaq

Kitaani aasaanerani nalunaaqutaq arfininngornermi ulloq 24. marts 2018 nal. 22.00 atuutilissaaq, taamaammat unnukkut 22.00 nallerpagu 23.00-imut siuartinneqassaaq. Kitaani aasaanerani nalunaaqutaq ukiaru arfininngornermi oktobarip 27-ata tungaanut atuutissaaq.

Ittoqqortoormiini aasaanerani nalunaaqutaq sapaammi ulloq 25. marts 2018 nal. 00.00 atuutilissaaq, nalunaaqutarlu nal. 01.00-imut siuartinneqassalluni. Ittoqqortoormiini aasaanerani ukiaru sapaammi oktobarip 28-anni unnuakkut nalunaaqutaq 01.00-nngorpat akunnermik ataatsimik utertillugu nal. 00.00-nngortinneqarumaarpoq.

Pituffimmi sakkutooqarfimmi Danmarkshavn-imilu aasaanerani nalunaaquttap atuutsinneqarnissaanut tunngasumik aalajangersaasoqarneq ajorpoq.

Nalunaaquttap aasaanerani siuartinneqartarnera pisarpoq aasaanerani nalunaaquttap atornerata aalajangersarneqarnera pillugu Namminersorlutik Oqartussat nalunaarutaat nr.15, 20. oktober 2009-meersoq najoqqutaralugu.

Ukiuni 2019-imiit 2023-mut aasaanerani nalunaaquttap atuuffissai:

Ukioq:

Kitaani ullut attuffissai

Ittoqqortoormiini Ullut atuuffissai

2019

30.03 – 26.10.

31.03 – 27.10

2020

28.03 – 24.10

29.03 – 25.10

2021

27.03 – 30.10

28.03 – 31.10

2022

26.03 – 29.10

27.03 – 30.10

2023

25.03 – 28.10

26.03 – 29.10