Piitsuussuseq naligiinnginnerlu pillugit nassuiaat Inatsisartunut tunniunneqarpoq

Naligiinnginnerup killilersimaarnissaa inuiaqatigiillu inuuniarnikkut atukkamikkut naligiinnerulernissaat Naalakkersuisut anguniagaraat. Aningaasarsiornermik imminut napatittumik pilersitsinissamut pingaarnertut politikkikkut anguniagaqarnermut atatillugu Naalakkersuisut naligiinnerulernissamik anguniagaat isiginiarneqassaaq.   

Piitsuussutsimut killiliussaqarnissamik aalajangiussaqarnissamut pissutsinik nassuiaasiornissaq kiisalu kalaallini inuiaqatigiinni naligiinnginnerup piitsuussutsillu pitsaaliornissaa sulianut ilaasimavoq.

Piitsuussutsimut killiliussinissamik aalajangiussaqarnissamut periarfissat nassuiaammi ukkatarineqarput.

Piitsuussutsip pissutsinik assigiinngitsunik sunnerneqartartup annikillisinnissaanut piitsuussutsimut killiliineq kisimiitinnagu sakkussaalluartoq, nassuiaammi inerniliunneqarpoq. Piitsuussutsimik killiliinissaq kisitsisitigut misissuinernik tapertalerneqassaaq, taakkunuunatigut piitsuussutsimut suna pissutaanersoq qanorlu kinguneqartarnera misissorneqarsinnaallutik.

Inuiaqatigiinni pissutsit assigiinngitsut piitsuussusermut pissutaasut nassuiaammi naqissuserneqarpoq. Piitsuussutimut akiuunnermi annertuumik suliaqarnissami tamanut isiginnittumik politikkeqarnissaq pingaaruteqarpoq. Imminut pilersornermik inuuniuteqarneq kalaallinut inuiaqatigiinnut sunniuteqangaatsiartoq nassuiaammi ilanngunneqarpoq.

Piitsuussuseq akiorneqassaaq. Kikkulluunniit piginnaanerminnik ineriartortitsinissamut inuuniarnermilu atugarissaalernissamut periarfissaqannginnerat inuiaqatigiit tamarmiullutik annaasaqaatigissavaat. Innuttaasut ilaasa inuunerminni toqqissisimanissamut, pitsaasumik atuartinneqarnissamut suliffeqarnissamullu periarfissaqannginnerat pissutaalluni innuttaasut ilaasa piginnaasaannik tamakkiisumik atorluaannginneq piitsuussutsip naligiinnginnerullu kingunerisinnaavaa.” 

Naalakkersuisoq Sara Olsvig taama oqaaseqarpoq nangillunilu:

Naalakkersuisooqatigiinnissamik isumaqatigiissummi naligiinnerulernissap anguniarnissaa naalakkersuisut saqqummiuppaat. Piitsuussutsimut nassuiaat taassuminnga suliaqarnissamut sakkussatut pingaaruteqartorujussuuvoq.

Taamaammat naligiinnginnerup piitsuussutsillu annertussusaa sunniutaasalu uagutsinnit politikkikkut ilisimasaqarfiginissaa, aammalu piitsuussutsimut killiliisinnaalernissap periarfissinneqarnissaa pingaarutilerujussuuvoq. Inuunermi atukkat naligiinnerulernissaannut suleriaqqinnissamut nassuiaat pingaarutilimmik tunngavissiivoq.”

Nassuiaat atuarneqarsinnaavoq uani linkimi:

http://naalakkersuisut.gl/~/media/Nanoq/Files/Publications/Familie/GL/Piitsuussuseq%20pillugu%20nassuiaat.pdf 

Paasisaqarnerorusukkuit Naalakkersuisup allattaanut paasissutissanik piniarsinnaavutit uunga Upaluk Poppelimut, oqarasuaat 53 93 71-imut siarnerlutit.