Ukiuunerani 2018-mi inuussutissarsiutigalugu tuttunniarneq sivitsorneqartoq

Ukiuunerani 2018-mi Nuussuarmi, Naternami, Akia-Maniitsumi, Ameralimmi, Qeqertarsuatsiaani, Qassimi kiisalu Neriami inuussutissarsiutigalugu tuttunniarnerup sivitsorneqarnera matumuuna nalunaarutigineqarpoq.

Piniarfinni pineqartuni ukiuunerani killilimmik tuttunniarneq taamaalillugu 25. februaari ilanngullugu ingerlasussanngorpoq sivitsuinermullu pissutaalluni sinerissami februaarip affaata siulliup ingerlanerani silap unerisimannginnera. Erseqqissaatigineqassaaq sivitsuisoqaqqissanngimmat.

Piniarfimmi Sisimiut-Kangerlussuarmi sivitsuisoqarsinnaasimanngilaq pissutigalugu piniarfimmi tassani martsip aallartilaarneraniit tuttunik umimmannillu kisitsisoqarnissaa pilersaarutaammat. Tuttut umimmaallu kisitsineq sioqqullugu ulluni 14-ni eqqissisimatinneqarluinnarnissaat pisariaqarpoq kisitsinerup iluatsittumik ingerlanneqarnissaa siunertaralugu.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigineqarsinnaavoq, Tlf. 34 53 04, e-mail: amalie@nanoq.gl.