Unammisitsineq

Meeqqat atuarfianni, efterskoleni ilinniarnerrtuunngorniarfinnilu ilinniartunut/atuartunut unammisitsineq.

Allorfik, Pinngitsuuisinnaajunnaarnermik Paasisimasaqarfik unammisitsinermik aaqqissuussivoq, meeqqat atuarfianni, efterskoleni ilinniarnertuunngorniarfimmilu atuartunut/ilinniartunut naapertuussakkamik. Unammisitsineq oorinoornermut tunngassuteqarpoq.

Atuartut/ilinniartut filmeeraliorsinnaapput, klassiminnut pinnguaatersornermi maleruagassanik sanasinnaapput imaluunniit oorinoorniutinut tuniniaanissamut suliniummik sanallutik imaluunniit oorinoorniutit pillugit allaaserinnissinnaapput. Oqallisaarutit saqqummiussallu unammisitsermut atortussat filmiaqqallu www.gambling.gl-imi takuneqarsinnaapput.

Unammisitsineq oorinoornerup pinngutsuuisinnaajunnaarnermik kinguneqarsinnaaneranut soqutiginerisa annertunerulersinnerisigut oorinoornermik ajornartorisuteqalersinnaanerannik pitsaaliuisussaaq.
Pinnguaatersorneq ooritaqartillugu kialluunniit ilisimasaqarfigivai imaluunniit misilereernikuuvai. Oorinoorneq ilaatigut aliikkutaasinnaasarpoq imaluunniit sukisaarsaataasinnaasarpoq, kisianni aamma ilaannut oorinoorneq ajornartorsiutinngorsinnaasarpoq.
Ulluinnarni meeqqat inuusuttullu oorinoorniutinik qaammaaffigitittarput, eqquiniaanermi akilerniunnermiluunniit pisinnaasarluni. Nittartakkatigut pilerisaarutit, tuniniaanissamullu suliniutini internitikkut qaammaaffigitinnerit annertuut amerlatikkaluttuinnartut sunniuteqaqataapput. Taamaattumittaaq oorinoornermik pinnguaatinut ajornartorsiut alliartuinnarluni.

Eqqugassaq anneq 10.000 koruuniuvoq klassip katersagaanut tuttussat, qiimmassaatitullu eqqugassat 5x 1000 koruuniillutik.
Unammisitsineq maajip aallaqqaataanut killeritinneqarpoq.

Annertunerusumik paasisaqarusukkuit ataavigiuk siunnersorti/konsulenti Nivi Thomassen Olsen +299 34 66 54 imaluunniit e-mailumut nith@allorfik.gl