UNESCO-p nunarsuarmioqatigiit kingornussassaannut allattorsimaffiannut uppernarsaat Kommune Kujallermut tunniunneqarpoq

(kalaallisuua naqqitaq):

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisup Doris J. Jensenip ullumi januaarip 31-iani 2017-imi UNESCO-p nunarsuarmioqatigiit kingornussassaannut allattorsimaffiannut Kujataani nunat immikkoortuia tallimat ilanngunneqarnerannut uppernarsaat Kommune Kujallermi borgmesterimut Kiista P. Isaksen-imut Qaqortumi tunniuppaa.

Juulip qulaaluaani 2017-imi Kujataa, tassa nunat immikkoortut tallimaasut Kalaallit Nunaata kujataaniittut UNESCO-p nunarsuarmioqatigiit  kingornussassaannut allattorsimaffianut ilanngunneqarpoq.  Nunat immikkoortortai tallimaasut tassaapput: Qassiarsuk, Igaliku, Sissarluttoq, Tasikuluulik aamma Qaqortukulooq-Upernaviarsuk.







Nunap assinga uani takuuk.



Kultureqarnermut Naalakkersuisoq Doris J. Jensen ima oqarpoq: ”Kujataani nunalerinermut piorsarsimassutsimullu tunngasunik nunanik asseqanngitsuuneri naqissuserneqarput UNESCO-mut qinnuteqarniarnermi suliaqarneq naggataagut pikkunarsimavoq. Inuit suleqatigisallu assigiinngitsut naammassiniaanermi nukippassuatik atorsimavaat. Inernerami tanngassimaarutigilluarsinnaaqaarput!”

Uppernarsaat maanna Kommune Kujallermi borgmesterimut tunniunneqarsimalerpoq.  Tamanna pivoq kommunip ataatsimiittarfiani kommunalbestyrelsimut ilaasortat Namminersorlutillu Oqartussanit sinniisut najuunneranni. 







Paasisaqarnerorusukkaanni attavigineqarsinnaavoq Naalakkersuisumut allatsi Rosa Thorsen, Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfik, toqq. oq. 345702 e-mail rosat@nanoq.gl.