2018-imi raajartassat

Naalakkersuisut januarip 18.-ani 2018 aalajangerpaat Kitaani raajat 101.250 tonsit 2018-mi pisassiissutigineqassasut (TAC – tamakkiisumik pisassiissutit).
Nunatta kitaata imartaani raajat 2018-imut pisassiissutigineqartut siornamut sanilliullugit 11.250 tonsinik amerlanerupput, 2017-mi raajartassiissutit 90.000 tonsiullutik.

Biologit nunatta kitaata imartaanut 2018-imut innersuussutaat 105.000 tonsiupput.
Aappaagumut pisassiissutaasunit 2.600 tonsit EU-mut pisassiissutigineqarput, EU-mik isumaqatigiissut naapertorlugu.

1.252 tonsit Canadamut aamma pisassiissutaapput. Tamassuma tunngavigaa Kalaallit Nunaat pisussaaffilerneqarnikuummat Canadalu raajaqarfeqateqarneq pissutigalugu.

Tunumi raajat 4.300 tonsit pisassiissutaapput.

Siuariarneq
Uumassusilerituut siunnersuinerat malillugu Kalaallit Nunaata kitaani 2018-mi raajaqassuseq siuariarfiunissaa oqariartuutigineqarpoq. Siunnersuineq 2016-mi 2017-milu 90.000 tonsimiissimavoq. 2018-mili 101.250 tonsiuvoq. Inuussutissarsiuteqartut ataavartumik ingerlatsinissamik kissaataat naapertorlugu, pisassiissutit qaffannissaat 12,5 % sinnissanngikkaat malinneqarpoq. Tamanna Raajanut aqutsinissamut pilersaarummi takuneqarsinnaavoq. TAC-mik qaffaat 101.250 tonsinut tamassuma tunuliaqutigaa.

Paasissutissanik suli allanik, uani taaneqanngitsunik pissarserusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl