Qimusseriarsuarmi immami avatangiisit mianernartut siornatigullu aalisarfigineqanngitsut illersorneqarnissaat

Qimusseriarsuarmi immami avatangiisit mianernartut siornatigullu aalisarfigineqanngitsut illersorniarlugit Aalisarnermut Piniarnermullu Naalakkersuisoqarfik Sustainable Fisheries Greenland isumasioqatigereerlugu Qimusseriarsuarmi 73° 30’ N avannaani avatangiisit illersorniarlugit aalisarnermut killilersuilerpoq.

Koraalinik ”søfjer”-inik pingaarutilinnik, piniagassat inooriaasiannut mianernartunut takussutissatut isigineqartunik, nassaartoqarnera tunngavigalugu piujuartitsineq siunertaralugu aalisarnerup teknikkikkut iluarsartuussivigineqarnera pillugu Namminersorlutik Oqartussat nalunaarutaat nr. 4 30. marts 2017-imeersumi § 13 naapertorlugu Qinusseriarsuarmi immami sumiiffiit arlallit sunilluunniit immap naqqanut tuttartunik atortulinnut aalisarfiusinnaaunnaarlugit matuneqarput.

Sumiiffiit ilanngussami 1a-mi 1b-milu nassuiarneqarput.

Aammattaaq Qinusseriarsuarmi 73° 30’ N avannaani sumiiffinni siornatigut aalisarfiunngitsuni immap naqqanut tuttartunik atortulinnik raajarniarneq aatsaat pisinnaavoq Aalisarnermut Piniarnermullu Naalakkersuisoqarfimmut qinnuteqaqqaarluni.

Paasissutissanik suli allanik, uani taaneqanngitsunik pissarserusukkaanni Aalisarnermut Piniarnermullu Naalakkersuisoqarfimmut saaffiginnittoqarsinnaavoq, e-mail: apn@nanoq.gl

Ilanngussaq 1 a

Ilanngussaq 1 b

Ilanngussaq 2 a

Ilanngussaq 2b

Ilanngussaq 3