Nuussuarmi tuttut

Tuttut Nuussuarmi takussaaleqqinnerat Aalisarnermut Piniarnermullu Naalakkersuisoqarfimmut (APN-mut) nalunaaruutigineqarpoq tamannalu pillugu APN-miit erseqqissaatigineqassaaq Nuussuarmi aamma Kalaallit Nunaata sinnerani piniarfinni tamani tuttut piniaqqusaanngimmata.

Ukiuunerani 2018-mi inuussutissarsiutigalugu piniartunut killilimmik tuttunniarneq 1. februaarimi aallartissaaq februaarip 15-iat ilanngullugu ingerlassalluni. Ukiuunerani 2018-mi piniarfinni ataasiakkaani inuussutissarsiutigalugu piniartunut tuttutassiissutit Aalisarnermut Piniarnermullu Naalakkersuisumit aalajangerneqartut 20. decembarimilu 2017-mi nalunaarutigineqartut imaapput:


Piniarfik

Tuttutassiissutit

Piniarfik 1 (Naternaq)

100-t

Piniarfik 2 (Sisimiut-Kangerlussuaq)

200-t

Piniarfik 3 (Akia-Maniitsoq)

200-t

Piniarfik 4 (Ameralik)

100-t

Piniarfik 5 (Qeqertarsuatsiaat)

100-t

Piniarfik 6 (Qassit)

100-t

Piniarfik 7 (Neria)

100-t

Piniarfik 8 (Nuussuaq)

100-t


Inuussutissarsiutigalugu piniartut atuuttumik allagartaqartut piffissami aggersumi Sullissivimmut saaffiginninnikkut tuttunniarnissamut akuersissutinik qinnuteqarsinnaassapput. Erseqqissaatigineqassaaq motoorilinnik ingerlatsissutinik (qamuteralaat aamma ATV-t) tuttunik malersuinermi allatigulluunniit piniutigissallugit inerteqqutaammata.

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigineqarsinnaavoq, oqarasuaat 34 53 04, e-mail: amalie@nanoq.gl