Statsministeri Naalakkersuisullu Siulittaasuat ataatsimiittut

Statsminister Lars Løkke Rasmussenip Naalakkersuisullu Siulittaasuata Kim Kielsenip ataatsimut tusagassiorfinnut nalunaarutaat

Statsministeri Lars Løkke Rasmussen aamma Naalakkersuisut Siulittaasuat Kim Kielsen Statsministeriami ulloq 9. januaari 2018 ataatsimiipput.

Statsministeri Naalakkersuisulli Siulittaasuat ataatsimeereernermi ima oqaaseqarput:

”Pissarsinartumik ataatsimiilluarpugut Danmarkimi Kalaallit Nunaannilu naalakkersuinikkut aningaasaqarnikkullu killiffiit ilaatigut oqaluuseralutigit.

Nunanut Allanut tunngasutigut Danmark Kalaallit Nunaallu suleqatigiilluarput. Ataatsimiinnermi pisut takkuttussallu killiffissiorneqarput, ilanngullugu Brexit pissutigalugu EU-p aningaasarsiornikkut atugassarititaasa isumaqatiginninniutigineqalerpata unammilligassat ataatsimoorussagut oqaluuserineqarluni. Tuluit Nunaata EU-mit aninera Kalaallit Nunaannut annertuumik aamma sunniuteqassaaq.

Suleqatigiissutigisagut allat aamma oqaloqatigiissutigaavut. Assersuutigalugu Kalaallit Nunaanni upalungarsimanermut avatangiisinullu tunngatillugu iliuuserineqartut.

Danmarkimi Kalaallit Nunaannilu naalakkersuisut qanittumik pissarsinartumillu suleqatigiinnerisa ingerlatiinnarnissaat kissaatigaarput.

 

Paasisaqarnerorusuttut attavigisinnaavaat:
Tusagassiivimmi pisortaq Paornánguaq Kleist, oqarasuaat +45 31 70 42 67.
Statsministerip tusagassiortulerisua Jakob Bøving Arendt, oqarasuaat +45 33 92 22 59