Tammajuitsussarsiorluni piniarnermut akuersissutisinissamut qinnuteqartussanik matumuuna Naalakkersuisut aamma Qeqqata Kommunia qaaqqusipput

Qeqqata Kommuniani tammajuitsussarsiorluni piniarnermik neqerooruteqarnissamut kisermaassisinnaatitaaffilikkamik akuersissut pillugu qinnuteqarnissamut innuttaasut suliffeqarfiillu soqutiginnittut qaaqquneqarput.

Katillugit sumiiffinni 12-ini tammajuitsussarsiorluni piniarnermik neqeroortitsinissamut kisermaassisinnaatitaaffilikkamik akuersissutip pissarsiariniarnissaanut innuttaasut suliffeqarfiillu soqutiginnittut qinnuteqarfigisinnaasaannik Qeqqata Kommunia Kommunip pilersaarutaanut tapiliut nr. 7-imi atugassiaqarpoq.

Akuersissutinut sumiiffinnik atugassiinerit takornariartitsinermik suliassaqarfimmi Naalakkersuisut periusissiaata ilaattut ilanngussaasutut takuneqassaaq, taanna nunatsinni takornariartitsinermik inuussutissarsiorfimmi namminersuutigisatut aningaasaliinerit annertusisinnissaannik siunertaqarluni, taamaalillunilu piffissap ingerlanerani siuarsarnermik suliffeqartitsinermillu annertusaasinnaammat.

Qaaqqusissutitut allakkiamut ilanngussanullu apeqqutit 16. januar 2018 tikitsinnagu Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut e-mailikkut tuniutissapput: isiin@nanoq.gl.

Piffissalersuut:
28.12.2017 Qinnuteqartitsineq http://www.businessingreenland.gl/kl-GL/Udbud/Aktuelle-udbud/Koncession-til-trofaejagt-i-Qeqqata-Kommunia -ikkut aamma Sermitsiaq, AG aamma Sivdleq, aamma tusagassiorfitsigut allatigut tamanut saqqummiunneqarpoq

16.01.2018 Qinnuteqaqqusissummut apeqqutinik tigusinissamut piffissaliussaq kingulleq

06.02.2018 Qinnuteqaqqusissummut apeqqutit akissutillu nassiunnissaannut piffissaliussaq kingulleq. Apeqqutit akissutillu tamarmik Naalakkersuisut.gl-ikkut tamanut saqqummiunneqassapput

16.02.2018 Qinnuteqaatit tigunissaannut piffissaliussaq kingulleq

Februaari 2018 Qinnuteqaatit misissorneqarput.

Marsi 2018 Akuersissutaasunik Naalakkersuisut nalunaaruteqarput (1. januar 2019-imi atuutilertussanik.

Qaaqqusissutitut allakkiaq akuersissummullu atortussat allat, ilaallutik piumasaqaatit, malittarisassiat atugassarisallu tamaasa, ilanngullugit qinnuteqarnermut immersugassaq, aamma qinnuteqarnermut ilitsersuut uani pissarsiarineqarsinnaapput: http://www.businessingreenland.gl/kl-GL/Udbud/Aktuelle-udbud/Koncession-til-trofaejagt-i-Qeqqata-Kommunia

Qaaqqusissutitut allakkiamut apeqqutaasinnaasut Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut nassiunneqarsinnaapput. Apeqqutit tiguneqartut taakkununngalu atasutut akissutit tamarmik Naalakkersuisut nittartagaanni ilisarnarunnaarsakkatut ilusilerlugit tamanut saqqummiunneqassapput.

Qaaqqusissutitut allakkiamut il.il. apeqqutit Inuussutissarsiornermut, Suliffeqarnermut, Niuernermut Nukissiuuteqarnermullu Naalakkersuisoqarfimmut e-mailikkut nassiunneqarsinnaapput: isiin@nanoq.gl