Isumaginninnermi juullimut tapiissutit agguaanneqartut

Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoqarfiup ukiut siulii assigalugit, kingumut ilaqutariinnut pissakinnerusunut juullimi aaqqiissuussinissanut tapiissuteqassaaq.

Kommunit tamakkerlutik qinnuteqarsimapput aamma ilaqutariinnut pissakinnerusunut juullimi aaqqiissuussinissanut tapiissutinik tamarmik tunineqarsimapput.

 

Qinnuteqaatinut katillugit 48-nut tapiissuteqartoqarsimavoq, illoqarfinnut 16-inut nunaqarfinnullu 23-nut ilaqutariinnut sullissivinnut aamma isumaginnittoqarfinnut agguataarsimasunut.

 

Illoqarfiit nunaqarfiillu arlalissuit aningaasanik tapiissuteqarfigineqarsimapput – Kalaallit Nunaata kangiani Tasiilamiit, avannaani Qaanaamiit kujataani Nanortalimmut, soorluttaaq Kalaallit Nunaat tamakkerlugu nunaqarfiit.

 

Katillugit tapiissutit 633.412,00 kr.-it agguaanneqarsimapput.

 

Aningaasat juullimi aaqqiissuussanut assigiinngitsunut arlalissuarnut atorneqartarput. Assersuutigalugu juullimi nerisassat, juullimi mamartukujuit aamma tunissutit kiisalu nunaqarfinni ilaqutariinnut meeqqanullu aaqqissuussinernut annernut. Juullimi aaqqissuussinerit ilaqutariinnut pissakinnerusunut atugarliortunullu sammitinneqarput.

 

”Tuppalliutigaara nuannaarutigalugulu, kingumut ukioq manna nuna tamakkerlugu immikkut pisariaqartitsisunut juullimi aaqqissuussinernut tapiissuteqarsinnaagatta aamma ilaqutariinnut immikkut pisariaqartitsisunut ikiorsiisinnaagatta. Juullimi tamatsinnut pingaarutilissuuvoq.” Isumaginninnermut Ilaqutariinnermut Naligiissitaanermut Inatsisinillu Atuutsitsinermut Naalakkersuisoq Sara Olsvig oqarpoq.

 

Annerusumik paasissutissanik pisariaqartitsiguit Immikkoortortaqarfimmi pisortaq Ellen Magnussen, e-mail: ello@nanoq.gl, oqarasuaat 34 66 20 saaffigisinnaavat.