Ilaqutariinnut meerartalinnut annikitsumik ukiumut isertitalinnut aningaasaqarnikkut toqqissisimaneruneq

Pitsannguutinut tunuliaqutaasut

Ilaqutariit meerartallit atugarisaat Naalakkersuisut pingaartilluinnarpaat. Taamaammat aamma ukiakkut ataatsimiinnermi arlalinnik suliniuteqartoqarsimavoq ilaqutariit meerartallit aningaasaqarnikkut atugarisaat pitsanngorsarniarlugit. Taakua ilagaat ineqarnermut- aamma meeqqanut tapiissutinik aaqqissuusseqqinneq.

Ineqarnermut- aamma meeqqanut tapiissutinut malittarisassat nutaat, 2018-imi atuutilertussat, naapertorlugit ilaqutariit annikitsumik akunnattumillu ukiumut isertitallit aningaasatigut malunnaatilimmik pitsanngorsaaffigineqassapput. Maleruagassat nutaat tamatuma ilutigisaanik qulakkiissavaat innuttaasut atugaanni allanngorujussuartoqartillugu, assersuutigalugu aapparisap toqukkut qimagunnerani, inigisaq qimanneqassanngitsoq, najugaqarfigiinnarneqarsinnaasorli. 

Maleruagassat maannamut atuuttut arlalippassuarnik qangali isorineqartarput. Tamannalumi pissutissaqarluarpoq. Uparuakkat ilagaat SIK-mi ilaasortap akissarsiai nalunaaquttap akunneranut 1,50 koruuninik qaffappata aningaasat tigusassat ikinnerulersartut, tassami ineqarnermut meeqqamullu tapiissutit tunniunneqartartut akissarsiat qaffaataanut naleqqiullugit annikinnerulersarmata. Tamannalumi pissusissamisoortuunngilaq. Aningaasarsiat qaffanneri aningaasat atorsinnaasat amerlanerulernissaannik kinguneqartariaqarpoq.

”Nuannaarutigaara Naalakkersuisut aaqqissuusseqqinnermik matuminnga ilaqutariinnut meeralinnut aamma sanngiinnerpaanut pitsannguutinik malunnartunik qulakkeerinissinnaasimammata”, Sara Olsvig, Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq, oqarpoq. 

Maleruagassat allanngorneri malunnaatilimmik ilaqutariinnut meerartalinnut aningaasaqarnikkut pitsanngoriartitsissaaq, ingammik akissaatikinnerusut akunnattumillu isertitallit aningaasaqarnerannut, tassami meeqqanut- aamma ineqarnermut tapiissutit tunniunneqartartut qaffanneqassammata. Tamatuma ilutigisaanik maleruagassat nutaat qulakkiissavaat, aningaasarsiat koruunimik qaffappata, qaffaanerup kingunerissanngikkaa aningaasat atugassat ikinnerulernissaat, paarlattuanilli aningaasat atorsinnaasat amerlanerulernissaat.

Maleruagassat allanngortinneqannginneranni kiisalu allanngortinneqarnerisa kingorna ilaqutariit meerartallit isertitaat assigiinngitsut marluk ataani takutinneqarput. 

Assersuut 1:  Kisimiittoq 2-nik meeralik.    Nammineq ukiumut isertitat: 178.000 ukiumullu ineqarnermut akiliut: 48.000 kr.

 

Kr.

Aaqqissuussineq pisoqaq

Aaqqissuussineq nutaaq

 

Isertitat akileraarutaasussat  

   suli akileraarut peernagu

178.000

178.000

 

Maannakkut isertitat suli akile-

   raarut peernagu

168.000

168.000

 

Meeqqanut tapisiaq

11.462

16.044

 

Ineqarnermut tapisiaq

16.320

29.856

 

Ataatsimut isertitat akile-

   raarut peernagu

205.782

223.900

 

Qaammammut isertitat suli

   akileraarut peernagu

                                17.149

                                     18.658

 

Ataatsimut isertitat akileraaru-

   seriikkat

 

155.382

173.500

 

Qaammammut isertitat akile-

   raaruseriikkat

                                12.949

                                     14.458

 

  

Assersuut 2: Aappariit 4-nik meerallit.  Nammineq isertitat 250.000 kr. ukiumullu ineqarnermut akiliut 72.000 kr.

 

Kr.

Aaqqissuussineq pisoqaq

Aaqqissuussineq nutaaq

 

Isertitat akileraarutaasussat  

   suli akileraarut peernagu

250.000

250.000

 

Maannakkut isertitat suli akile-

   raarut peernagu

230.000

230.000

 

Meeqqanut tapisiaq

12.744

30.408

 

Ineqarnermut tapisiaq

27.360

33.624

 

Ataatsimut isertitat suli akile-

   raarut peernagu

290.104

314.032

 

Qaammammut isertitat suli

   akileraarut peernagu

                                24.175

                                     26.169

 

Ataatsimut isertitat akileraaru-

   seriikkat

233.824

257.752

 

Qaammammut isertitat akile-

   raaruseriikkat

                                19.485

                                     21.479

 

Ineqarnermut- aamma meeqqanut tapissutit tunniunneqarnissaannut malittarisassat allannguutaat aallartinniarlugit kommunit sulerulupput

Kommunit pileruttorput innuttaasunut ineqarnermut- aamma meeqqanut tapiissutinik naatsorsueqqillutik, malittarisassat nutaat januaarip aallaqqaataani atuutilertussat naapertorlugit. Ineqarnermut- aamma meeqqanut tapiissutinik pissarsisartut tamarmik ulluni aggersuni allagarsiumaarput.

Tapiissutinik pissarsisartunut allakkat takkutilerput, kisianni kingusinaarsinnaapput kommunini suliassaqarpallaarneq pissutigalugu. Kommunit taamaallaat sivikitsuinnarmik piffissaqarsimapput allannguutit nutaat naammassinissaannut, taakku inaarutaasumik akuerineqarsimapput ulloq 16.-18. novembarimi. Kommunit taamaammat annertuumik suliassaqarsimapput piaarnerpaamik allannguutit naammassiniarlugit. 

“Ilaqutariit allannguuteqarfiusut ataatsimut isiginnilluni pitsaanerusumik inissisimalissapput. Neriuppunga allannguutit ilaqutariinnut aningaasaqarnikkut malunnaatilimmik iluaquserneqartussanut toqqissisimanerunermik kinguneqartitsissasut. Kommunit allannguutinik sukkanerpaamik atortitsinissamut ulapputeqarnerannut qujaffigaakka” Sara Olsvig oqarpoq.

Allannguutit kinguneraat, meeqqanut tapiissutit malunnaatilimmik qaffannerat, massa ineqarnermut tapiissutit ilaqutariit meerartallit ilaannut allanngunngitsut imaluunniit appartinneqartut. Tapiissutit ilaat, ilaqutariinnut meerartalinnut tunniunneqartartut taamaalilluni ineqarnermut tapiissutinit meeqqanut tapiissutinut nuunneqarput, taamaalilluni ilaqutariit nammineerlutik aalajangersinnaassavaat tapiissutit, ineqarnermut imaluunniit siunertanut allanut meeqqanut attuumassuteqartunut atorneqarnissaat. Tapiissutit taakku marluk ataqatigiissillugit isigineqassapput. Ataatsimut isikkua taamaammat aatsaat ersissaaq, ineqarnermut tapiissutit meeqqanullu tapiissutit tamarmik naatsorsorneqareerpata. 

Meeqqanut- aamma ineqarnermut tapiissutit nutarsaavigineqarnissaat Naalakkersuisu-nit pingaartinneqarluinnarsimavoq, taamaaliornissarlumi pisariaqartinneqarsimavoq.

Ilaqutariit meerartallit inuillu suliffeqarfeqarfimmi immikkut naammassisaqarusuttut atugarissaarnerulernissaasa qulakkeerneqarnissaannut meeqqanut tapiissutinut ineqarnermullu tapiissutinut maleruagassat allanngortinneqarneri Naalakkersuisut suliniutaasa ingerlaavartut arlaliusut ilagaat. 

Annerusumik paasissutissanik piniaruit saaffigiuk oqarasuaat 551190