Umimmanniarnissamut piffissaliussat pisassiissutillu - Ukiuunera 2018

Matumuuna ukiuunerani 2018-imi umimmanniarnissamut piffissaliussat umimmattassiissutillu nalunaarutigineqarput. Ukiuni arlalissuanngortuni tuttunik umimmannillu pisortatigoortumik kisitsisoqarnikuunnginnera pillugu Pinngortitaleriffimmiit siunnersuisoqanngilaq. Maannakkut aatsaat Piniarfik 2-mi – Sisimiut-Kangerlussuaq – aamma Piniarfik 3-mi – Akia-Maniitsoq – ukiuunerani 2018-imi tuttunik kisitsisoqarnissaa Pinngortitaleriffimmiit pilersaarutigineqarpoq tamannalu pillugu ukiuunerani umimmanniarneq taamaallaat 15. februaari 2018 ilanngullugu ingerlassaaq.

 

Umimmaat

1.       Aqutsiveqarfik Maniitsoq: Piniarfik 1-imi inuussutissarsiutigalugu sunngiffimmilu umimmanniarneq 10. januaarimi 2018-imi aallartissaaq 15. februaarii ilanngullugu ingerlassalluni. Piniarfik 1-imi umimmattassiissutit ammaannarput motoorilinnillu ingerlaartoqaqqusaanani.                   Piniarfik 2 ukiuunerani 2018-imi umimmanniarneq matoqqas-saaq. Piniarfik 3-mi inuussutissarsiutigalugu umimmanniarneq 10. januaarimi aallar-tissaaq 15. februaari ilanngullugu ingerlassalluni. Piniarfik 3-mi umimmattassiissutit 800-iupput angutivissat 480-t arnavissallu 320-t. Piniarfik 3-mi motoorilinnik pisanik assartuisoqarsinnaavoq. Pisassiissutigineqartoq kommunet pineqartut isumasioreerlugit agguaanneqassaaq.

2.       Aqutsiveqarfik Sisimiut: Ukiuunerani umimmanniarneq matoqqavoq.

3.       Umimmaqarfik Ivittuut: Ukiuunerani umimmanniarneq matoqqavoq.

4.       Umimmaqarfik Sigguk: Ukiuunerani umimmanniarneq matoqqavoq.

5.       Aqutsiveqarfik Ittoqqortoormiit: Ukiuunerani 2018-imi inuussutissarsiutigalugu aamma sunngiffimmi umimmanniarneq martsi naallugu ingerlassaaq umimmattassiissutillu 60-iullutik.

6.       Aqutsiveqarfik Qaanaaq: Nuna Inglefield-imi Prudhoe-milu aamma Qooqqunni ukiuunerani 2018-imi inuussutissarsiutigalugu aamma sunngiffimmi umimmanniarneq aalajangerneqareersutut 15. april ilanngullugu ingerlassaaq tassanilu ukiaanerani 2017-imiit Nuna Inglefield-imut, Nuna Prudhoe-imut kiisalu Qooqqunnut umimmattassiissutit sinneruttut pineqarlutik.

         

Tunngavilersuutit: Ivittuuni Juni-mi 2017-imi umimmannik minnerpaaffiliinikkut kisitsisoqarnikuunera tunngavigalugu ukiuunerani 2018-mi umimmanniartoqassanngilaq.

Aqutsiveqarfik Sisimiut-ni umimmaat akuttusigaluttuinnarput tamannalu pillugu ukiuunerani umimmanniarneq matoqqavoq. Kangerlussuup eqqaani Piniarfik 2-mi ukiuunerani 2017-mi umimmannik kisitsineq ukiuuneranilu 2015-imi aamma 2016-imi matoqqagallarnerani misilittakkat tunngavigalugit ukiuunerani 2018-imi matoqqassaaq.

Umimmannik minnerpaaffiliilluni kisitsisarneq paasineqarpoq Piniarfik 3-mi umimmaat ukiuni kingullerni qanoq ikiliartuinnartiginersut tamannalu pillugu killilimmik suiaassutsimikkut aalajangerneqareersunik pisassiisoqarluni.

Siggummi umimmaat qassiunersut suiaassutsimikkullu katitigaanerat ilisimaneqanngilaq taamaattumillu ukiuunerani umimmanniarnissaq pillugu aalajangiinissamut tunnga-vissaqanngilaq.

Erseqqissaatigineqarpoq qamuteralaat, ATV-t kiisalu qamutit motoorinik ingerlatillit allat umimmannik malersuinermi piniutigissallugilluunniit inerteqqutaammata.

Sunngiffimmi piniarnermut allagartap 1. maaji sioqqullugu akilereersimanissaa pillugu piumasaqaat atuutinneqarpoq. Taamatullu sunngiffimmi piniarnissamut akuersissutit inunnut Kalaallit Nunaanni najugalittut inuit nalunaarsorsimaffiannut nalunaarneqarsimasunut ukiunilu qaangiuttuni marlunni nalunaarsorneqareersimasunut taamaallaat tunniunneqarsinnaanerat pillugu piumasaqaat atuutinneqarluni.

 

Ilanngussaq 1: Nunap immikkoortuini umimmanniarnissamutpiffissat pisassiissutillu.

Ilanngussaq 2: Kalaallit Nunaanniumimmaqatigiit.

Ilanngussaq 3: Maniitsup Aqutsiveqarfianiumimmannut Piniarfik 1, 2 aamma 3.

Ilanngussaq 4: Umimmaqarfik Nuna Inglefield aamma Nuna Prudhoe.

 

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl imaluunniit AC fuldmægtig Nuka Møller Lund, tlf. 345345, email: numl@nanoq.gl