2018-imi qilalukkanut qaqortanut qernertanullu pisassiissutit

Aalisarnermut Piniarnermullu Naalakkersuisup 2018-imut qilalukkat qaqortat qernertallu agguataarneri akuerai. Qilalugartassiissutit agguataarneri 2016-imiit 2020-imut qilalukkat pillugit uumassusilerisut siunnersuinerat, tusarniaasoqareernerup kingorna tunngavigalugu pivoq:

 

Qilalukkat qaqortartassat 2017-imut naleqqiullugit allannguuteqanngillat. Qilalukkat qernertartassat annikitsumik nalimmassarneqarput. Tunumi politikkikkut aalajangiinermik qernertanik qaffaasoqanngilaq, aammalu ukiuni kingullerni Upernavik Kujalleq aamma Kangersuatsiaq zone 4-mi qilalukkanik qernertartassiissutit 20-inik immikkoorsitsisarneq unitsinneqarluni. Taamaammat qernertartassiissutit tamakkiisumik zone 4-mut agguaatassanngortinneqarput. 2017-imitut zone 3-mi qernertartassiissutini 20-it Kullorsuarmi Nuussuarmilu piniartunik qaannamik pisassatut immikkoortinneqassapput. Kingusinnerususukkut zone 3-mi qernertartassiissutit nalimmassarneqarsinnaasut ilisimatitsissutigineqassaaq.

Qilalukkat qernertat pisassiissutit ukioq kingullermut naleqqiullugit zone 1, 2 amma 5-imi allannguuteqanngillat, APN uumassusilerisunit siunnersuinernik nutaanik tigusaqarnikuunngilaq, taamaattumillu pisassiissutit allanngortinnagit ingerlaqqinnissaat siunnersuutigineqarpoq, piniarfiit nassuiarnerat ilanngussaq 1-imi takuuk.

 

Takussutissiaq 1: Kitaani qilalukkat qernertat aqutsiveqarfinnut agguaallugit

Aqutsiveqarfik

Zone

2017-imi pisassiissutit

2018-imi pisassiissutit

Iitah

1

5

5

Qaanaaq

2

98

98

Savissivik

3

80* + (20)

70

Upernavik

Uummannaq

4

134

154

Qeqertarsuaq

5

85

85

Ilulissat

Qasigiannguit

Aasiaat

Kangaatsiaq

Sisimiut

6

6

Maniitsoq

Nuuk

2

2

Paamiut

Narsaq

4

4

Qaqortoq

Nanortalik

Kitaani tamakkiisumik

 

434

424

*Politikkikkut immikkut pisassiissuteqarnermik aalajangiineq.

 

Takussutissiaq 2: Tunumi qilalukkat qernertat aqutsiveqarfinnut agguaallugit.

Aqutsiveqarfik

Zone

2017-imi pisassiissutit

2018-imi pisassiissutit

Ittoqqortoormiit

7

50 + 8* = 58

50

Tasiilaq

6

16 + 24* = 40

16

Tunumi tamakkiisumik

 

66 + 32* = 98

66

*Politikkikkut immikkut pisassiissuteqarnermik aalajangiineq.

 

Takussutissiaq 3: Qilalukkat Qaqortat Kitaani aqutsiveqarfinnut agguaallugit.

Aqutsiveqarfik

Zone

2017-imi pisassiissutit

2018-imi pisassiissutit

Qaanaaq

2

20 – ukiuni tallimani teknikkikkut pisassiissutit*

20 – ukiuni tallimani teknikkikkut pisassiissutit*

Savissivik

3

Upernavik

250

250

Uummannaq

4

Qeqertarsuaq

5

Ilulissat

Qasigiannguit

Aasiaat

Kangaatsiaq

Sisimiut

50

50

Maniitsoq

Nuuk

12

12

Paamiut

Narsaq

8

8

Qaqortoq

Nanortalik

Tamakkiisumik

 

340

340

* Qaanaaq ukiuni 5-ini teknikkikkut qilalukkanik qaqortanik.

 

Qilalukkanik qaqortanik paggatassiineq

Aalisarnermut Piniarnermullu Naalakkersuisoqarfik 2017-imi misiliutaasumik qilalukkanik qaqortanik paggataassiivoq, kommunit APN-imut nalunaassapput tamanna 2018-imi ingerlateqqikkusunneqarnersoq, § 9-li takuuk.

 

2018-imi pisassiissutinik aqutsiveqarfinnut agguaassineq

Pisassiissutit kommuninut agguaanneqassapput, taakkulu aalajangissavaat qanoq iluaqutigineqassanersut. Pisassiissutinik agguaassinermi eqqumaffigineqassaaq qilalugaqaqatigiiaat iluanni agguaassineq pissammat. Assersuutigalugu Qaasuitsup Kommuniata nammineq aalajangersinnaavaa kommunimut pisassiissutip tamakkiisup iluaniit qilalugaqaqatigiiaallu iluanni qanoq annertutigisut sumiiffinni ataasiakkaani nammineq pilersorsinnaanermut atugassatut iluaqutigitinniarneqarnersut imaluunniit qilalukkanut ataasiakkaanut illikartunut (perlaasut) immikkoortitsissanerluni.

Kommunalbestyrelsi 2017-imi pisassiissutit sinnerinik agguaassinissamini sunngiffimmi piniartartunut inuussutissarsiutigalugulu piniartunut pisassiinissamini procentip (%) assinga atussavaa. Takuuk Qilalukkanik qaqortanik qernertanillu illersuineq piniarnerlu pillugit Namminersorlutik Oqartussat nalunaarutaat nr. 1, 15. januar 2016-imeersumi § 9 imm. 2 malillugu sunngiffimmi piniartartut aqutsiviup qilalukkanik qaqortanik qernertanillu pisassiissutaasa 0-10 %-iisa akornanni amerlassuseqartunik kommunalbestyrelsimit pisassinneqarsinnaapput kiisalu Nunatta Kangiani 0-15 %-ii.

 

Inatsit tunngaviusoq

Qilalugarniarnermut atatillugu aalajangersakkat qilalukkat illersugaanerat piniagaanerallu pillugit Namminersorlutik Oqartussat Nalunaarutaat nr. 3, 27. januar 2017-imeersumi erseqqissumik aalajangersarsimapput.

 

Pisassiissutinik pisarinngitsuukkanik nuussineq – ”Carry-over”

Tassa ukioq manna pisassiivimmi pisassiissutit nungunneqassanngikkaluarpata, ukiup pisassiviusup tullianut nuunneqassapput. Nuussinermi ukiumiit ukiumut amerliartortitsinngitsoq atorneqassaaq.

 

2017-imi pisaasimasut 31. januar 2018-ip kingorna inaarutaasumik naatsorsorneqassapput, tamatumalu kingunerisaanik 2018-imi pisassiissutinut allannguisoqarsinnaalluni.

 

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 53 04, e-mail: amalie@nanoq.gl