Kalaallit Nunaata Savalimmiut imartaanni pisassani pigiinnassavai

Kalaallit Nunaat Savalimmiullu Kalaallit Nunaata Savalimmiut imartaanni aalisarnissaanut aamma Savalimmiut Kalaallit Nunaata imartaani aalisarnissaannut isumaqatigiissuteqarput.

Atorfilittatigoortumik Københavnimi ulluni marlunni isumaqatigiinniartoqareersorlu illuatungeriit isumaqatigiissutigaat maannakkut isumaqatigiissutaasoq aammattaaq 2018-imut atuuttussanngorlugu sivitsorneqassasoq.

Tamanna isumaqarpoq Kalaallit Nunaat 2018-imi Savalimmiunit saarullernanik 13.000 tonsinik pissarsissasoq, taamatullu Kalaallit Nunaat Savalimmiut imartaanni NEAFC-mut pisassiissutinit pisassaminik 7.515 tonsinik aammattaaq aalisarsinnaassasoq.

Taamaalilluni Kalaallit Nunaat Savalimmiut imartaanni 20.515 tonsinik katillugit saarullernartassinneqarpoq.

Taamaalimmat Savalimmiut Kalaallit Nunaata imartaani pisassatik pigiinnartussanngorpaat, kisitsisitigut takussutissaa kinguliiniittoq takuuk.

Umiarsuaatillit Kalaallit Nunaanneersut namminersorlutillu inuussutissarsiortut sinniisui isumaqatigiinniarnernut peqataasut Aalisarnermut Piniarnermullu Naalakkersuisoqarfik peqatigalugu naliliipput Savalimmiunut aalisarneq pillugu isumaqatigiissut assut naammagisimaarnartoq.

Annerusunik paasisaqarusukkuit siunnersortit pisortaat Emanuel Rosing qarasaasiakkut uani attaveqarfigiuk:emro@nanoq.gl

Suuneri

Kalaallit Nunaat Savalimmiuni (tons)

Savalimmiut Kalaallit Nunaanni (tons)

Saarullernat

13.000

 

 

7.515 (NEAFC-imut pisassiissutinit pisarineqarsinnaasut)

 

Ammassassuit

2.500

 

Qalerallit (Kitaata avannaani)

 

100

Qalerallit (Tunumi)

 

325

Saarulliit (Tunumi)

 

1.225

Brosme (Tunumi)

 

475

Saattussat (Tunumi)

 

500