Innarluutillit illersuisoqarfiat atertaarpoq

Innarluutillit illersuisoqarfiat atertaarpoq
Nuannaarutigalugu matumuuna naalunaarutigissavara Sisimiuni innarluutillit illersuisoqarfiat atertaarmat. Atit arlallit eqqartuiffigereerlugit innarluutillit illersuisoqarfiat TILIOQ-imik atserneqassasoq aalajangerneqarpoq.

Oqaaseq TILIOQ arlalinnik ajunngitsunik isumaqarpoq. Tilioq tassaasinnaavoq "kammak”, imaluunniit oqqersuummik isumaqarsinnaalluni. Oqaaseq taannarpiaq oqqersuutaasinnaasoq tulluartutut naliliiffigineqarpoq, "illersuisup" suliassaasa ilagimmassuk allat sinnerlugit oqariartuuteqartarnissaq allanilluunniit oqariartorfigineqarsinnaasoq. Ateq nassaarineqarpoq atuakkami “Kalaallit Aqqi”, Nuka Møller-imiit.

Ilisarnaatissamik unammisitsineq 

Innarluutillit illersuisoqarfiat TILIOQ ilisarnaatissamik pisariaqartitsivoq.

Inuit innarluutillit pisinnaatitaaffiisa soqutigisaallu inuiaqatigiit akornanni siuarsaaffigissallugit, qanorlu inuit innarluutillit atugaqarnersut suliniarnermi eqqummaariffigineqarnissaat Innarluutillit illersuisoqarfiata siunertarivaa. Innarluutillit illersuisoqarfiata atertaava TIOLIOQ-up ismumaa ”oqqersuut” ilisarnaatissami aamma ersersinneqassaat.

Ilisarnaat allakkanut, mailinut, saqqummiussassanut, plakatinut, annoncinut, naalunaarutinut nittartakkami assigisaanillu atorneqartassaaq. Maleruagassat malillugit pilersitseqqaarnermi piginnittussaatitaanerit tamaasa unammisitsinermi ajugaasup innarluutillit illersuisoqarfiannut tunniutissavai.

Siunnersuutit piffissami uani arfininngorneq januarip 6-iani 2018 tunniunneqariissapput.

Ajugaasoq ima annertutigisunik kr. 4.000,00 akissarsitinneqassaaq.

Siunnersuutit uunga nassiunneqassapput:

Innarluutillit illersuisuisuat
Att: Christina Johnsen
Postbox 3081
3911 Sisimiut
e-mail: cjoh@nanoq.gl
Oqarasuaat: 55 19 50