Immikkoortortaqarfimmi kigutilerisuuneq Karl Lennert utoqqalinermigut suliunnaarpoq

Sisamanngorneq 14. December 2017 Sisimiuni Taseralimmi inuulluaqqusilluni ataatsimuualaartitsisoqarpoq Karl Lennert pillugu.

Peqqinnissaqarfimmi Kigutileriffimmilu ukiuni 39-ini patajaatsumik sulereerluni utoqqalinermusiaqalernerminut atatillugu suliunnaarpoq.

- Kaali nunatsinni kigutinut peqqissutsip pitsanngorsaavigeqataaffiginninnera Kalaallit Nunaanni Kigutilerisoqarfimmi ukiorpassuarni suleqataaffigisimavai. Sisimiuni immikkoortoqarfianilu sumiiffimmi pinaveersaartitsinermi aallartitseqataanerup siuttuuffigiuarsimavaa. Tunniusimanermigut suliamullu pimoorussinermigut suliassat pilersaarusiornerillu suleqataaffigisimavai, Kigutileriffiup ukiuni arlalinni aallartissimasai ingerlalersimasaalu. Kalaallit Nunaanni kigutileriffiup immikkoortoqarfiani kalaallini siullersaalluni kigutit nakorsanngorsimavoq taamaasillunilu siuttuullunilu inuusuttunut nuannaartunartuuvoq maligassiuisorlu, Aqutsinermi Pisortaq Malene Marie Nielsen taamak oqarpoq. 

Kaalip ilaqutai, suleqatai kammalaataalu ataatsimuualaartitsinermi ilaapput
kiisalu Kaali nammineerluni nutsigissamik kammalaatini ingiartigalugit ataatsimuualaarneq nuannersisilluavillugu appisimaarpoq.

Attavissaq
Aqutsisoqarfiup pisortaa Malene Marie Nielsen oqarasuaat: +299 34 43 00 imal. e-mail: sundhedsledelsen@peqqik.gl.