2018-imi nannutassiissutit

Tusagassiorfinnut nalunaarut Aalisarnermut Piniarnermullu Naalakkersuisoqarfimmiit iluarsaataq

Nannuttassiissutissat Aalisarnermut Piniarnermullu Naalakkersuisumit akuerineqarput. Nannuttassiissutissat uumassusilerinikkut siunnersuineq, tusarniaanermik naalakkersuinikkullu aalajangiinerit aallaavigalugit agguaanneqarput. Agguaassinerit ima isikkoqarput:

 

Takussutissiaq 1: 1-1-2018-imiit nannuttassiissutit

Nanoqatigiit

2017

2018

Kane-p Imartornga (Qaanaaq, Savissivik ilanngunnagu)

6

9

Baffinip Ikera (Savissivik - Kangaatsiaq)

67

80

Davis Strædi (Paamiut – Sisimiut)

3

3

Avannaa Kitaalu katillugit:

76

92

Kangia Kujataalu (Kalaallit Nunaata Kangia,

Narsaq, Qaqortoq aamma Nanortalik)                       

64

64

Katillugit

140

156

 

Takussutissiaq 2: Pisassat aqutsiveqarfinnut agguarneqarneri ima isikkoqarput:

Kane-p Imartornga

Pisassiissutit

Nunatta Kangia

Pisassiissutit

Siorapaluk

9

Ittoqqortoormiit

35

Qaanaaq

Tasiilaq

25

Qeqertat

Nanortalik

4

Moriusaq

Qaqortoq

Narsaq

 

Baffin-ip Ikera

Pisassiissutit

Savissivik (+ Qaanaaq)

24*                   

Upernavik

44

Uummannaq

5

Ilulissat

Qeqertarsuaq

 

7

Qasigiannguit

Aasiaat

Kangaatsiaq

 

Ikersuaq Davis

Pisassiissutit

Sisimiut

3

Maniitsoq

Nuuk

Paamiut

*Pisassanit taakkuannga 4 -t Qaanaap eqqaani piniartunut immikkoortinneqarput – taamaasillutillu akuersissutit taakku sisamaasut Savissivimmi piniartunut tunniunneqarsinnaanatik.

Kalaallit Nunaata Kitaani tassalu Baffin-ip Ikerani Kane-p Imartonganilu nannuttassiissutit ilisimatuussutsikkut siunnersuinerit nutaat kiisalu Kalaallit Nunaata, Canadap Nunavullu akornanni Ataatsimoorussamik kommissionimi nannut pillugit ataatsimiittoqareernerata kingorna allanngortinneqarput. Suliat ilisimatuut aqutsisullu nunatsinneersut canadameersullu ukiorpassuarni ataatsimoorlutik suliaqartarsimanerinik tunngaveqarput (allaatigeqqissaarnera ilanngussaq 1-imi takujuk).

 

Aqutsiveqarfinni Kalaallit Nunaata Kangiani, Ikersuaq Davis-imilu nannuttassiissutit ukiup siulianut sanilliullugit allannguuteqanngillat. APN pineqartunut tunngatillugu siunnersuutinik nutaamik tigusaqarnikuunngilaq.

 

Baffin-ip Ikerani Kane-p Imartonganilu nannuttassiissutit amerleriaataat piffinnut ileqqutoqqat malillugit nannunniarnermik ingerlataqareersunut tunniunneqarnissaat naalakkersuinikkut aalajangerneqarpoq.

Tamanna tunngavigalugu Baffin-ip Ikerani pisassiissutit amerleriaataat (nannut sisamat) piniartunut Qaanaameersunut illikartinneqarput, Savissiviup eqqaanut nannuniarnissamut kissaateqartunut. Qaanaami piniartunut erseqqissaatigineqassaaq nannuttassiissutit sisamat amerleriaatit Savissiviup eqqaani kisimi pisarineqassammata.

Qaanaami piniartut Kane-p Imartongani annerpaamik nannut qulingiluat pisarisinnaavaat.

 

Akiliisitsilluni nannunniartitsisoqarsinnaanngilaq.

 

2018-imi nannuttassiissutit atunngitsuukkat 2019-imut ingerlaqqissapput (carry-over), taamatut nuussinermi ukiumiit ukiumut amerliartortitsinngitsoq atorneqassaaq, nanoqatiigiit kommunillu iluanni.

 

Annertunerusumik paasisaqartoqarusukkuni Aalisarnermut Piniarnermullu Naalakkersuisoqarfimmi immikkoortortaqarfimmi pisortaq Amalie Jessen tlf 34 53 04 imaluunniit e-mail amaile@nanoq.gl aqqutigalugit attavigineqarsinnaavoq

 

Ilanngussaq 1: Ilisimatuussutsikkut angusat kiisalu nannut pillugit Ataatsimoorussamik kommissionimi sulineq pillugit tunuliaqutitut paasissutissat.