Qimusseriarsuarmi uuliamik gasimillu ujarlernermut atatillugu 2017-imi ingerlatsisussasiorneq

Tallimanngornermi ulloq 15. december 2017 Qimusserisarsuarmi uuliamik gasimillu ujarlernermut atatillugu ingerlatsisussarsiornermut atatillugu ulloq killiliussaq qaangiuppoq. Nuummi nalunaaqutaq naapertorlugu ullaakkut qulingiluanut piffissaliunneqartup qaangiunnerani Namminersorlutik Oqartussani Aatsitassanut Naalakkersuisoqarfimmi qinnuteqaatinik tigusaqartoqanngilaq.

Nunarsuarmi uuliamik gasillu qalluisut ujarlernernik ingerlataasa annikillisimanerat pissutigalugu soqutiginnittoqannginnera naatsorsuutigineqareerpoq. Ullumikkut uuliap akia ukiualunnguit matuma siornanut, nunatsinni uuliasiornermik soqutiginninnerup annertuujuneranut sanilliullugu suli appasinneruvoq. Ukioq manna isumaginnittussarsiuussinermi soqutiginnittoqannginnera uuliasiornermik ingerlatsisut akornanni tunuarsimaarnermik, piffissami isertitakiffiusumi ujarlernernik ingerlatanut ingammik eqquisumik takutitsisoq naalakkersuisoqarfiup naliliutigaa.

Qimusseriarsuarmi uuliamik gasimillu ujarlernermik isumaginnittussarsiuussineq maanna Uuliamut gasimullu periusissiami atuuttumi, 2018-imi atorunnaartussami kingullermut tulliuvoq. Periusissiaq maanna atuuttoq sanioqqutaarnagu malinneqarnissaa Naalakkersuisut kissaatigaat, taamaaliornikkut aningaasaliiffissatut pilerinassusaanut sunniuteqarnerlussinnaanera pinngitsoorneqarsinnaammat.

Annertunerusumik paasisaqarusukkuit: Naalakkersuisoqarfimmi pisortaq, Jørgen T. Hammeken-Holm, Tlf.nr.: +299 34 68 46