Nuna Tamakkerlugu Ilitsersuisarfimmut pisortamik atorfinitsitsineq

Ilinniartitaanermut, Kultureqarnermut, Ilisimatusarnermut aamma Ilageeqarnermut Naalakkersuisoqarfiup 1. januar 2018 aallarnerfigalugu Christine Tønnesen Nuna Tamakkerlugu Ilitsersuisarfimmut pisortatut atorfinitsissavaa. Christine Tønnesen 36-nik ukioqarpoq 2007-imilu aqutsinermut kiisalu pisortatut siulersuinermut cand. merc-imik ilinniagaqarnini naammassillugu. Christine Tønnesen Namminersorlutik Oqartussani pisortatut atorfeqarsimavoq, Ini A/S-imilu pisortatut aamma sulisimalluni. Christine Tønnesen siusinnerusukkut ilitsersuinermik suliaqarsimavoq. Christinep taarserpaa Else Poulsen. Else Poulsen 1. oktober 2017-imi soraarninngorpoq.

Ilinniartitaanermut, Kultureqarnermut, Ilisimatusarnermut Ilageeqarnermullu Naalakkersuisoqarfimmi pisortaq, Lone Nukaaraq Møller imatut oqaaseqarpoq:

”Nuannaarutigaarput Christine Tønnesen qitiusumik ilitsersuisarfimmi pisortanngormat. Christinep ilinniakkani atorfilittullu misilittakkani tunngavigalugit qitiusumik ilitsersuisarfiup ineriartoqqinnissaanut ilinniartunut iluaqutaasussamik sunniuteqartussanngorpoq. Suleqatigiilluarnissaq Naalakkersuisoqarfimmit qilanaarineqarpoq”.

 

Paasisaqarnerorusukkaanni attavigineqarsinnaavoq:
Karl Kristian Olsen
Kkol@nanoq.gl
Toqq/direkte 345760