Akuerineqarsinnaasumik 2018-imut aalisagartassiissutit

Naalakkersuisut aappaagu qaleralittassarineqartussat ukioq mannatut amerlatigisussasut tallimannngornermi, decembarip 8-anni 2017-imi aalajangerpaat. Aaappaagu avaleraasartoortassat 66.365 tonsiussapput.

Qalerallit, sinerissap qanittuani
Naalakkersuisut aalajangerput aqutsiveqarfinnut Upernavimmut, Uummannamut aamma Qeqertarsuup Tunuanut 2018-imut qaleralittassiissutit ukioq mannatut amerlatigisut
pisassiissutigineqassasut. 9.500 tonsit aqutsiveqarfinnut Upernavimmut aamma Uummannamut qaleralittassiissutigineqarput, 9.200 tonsit aqutsiveqarfik Qeqertarsuup Tunuanut pisassiissutigineqarlutik.

Aqutsiveqarfinni Upernavimmi, Uummannami Qeqertarsuullu Tunuani sinerissamut qanittumi qaleralinniarnissamut biologit innersuussuutaat ukiunut marlunnut 2017-imut 2018-imullu atuuppoq.

Aqutsiveqarfimmut Qeqertarsuup Tunuanut 2017/2018-imi 6.400 tonsit pisarineqartussatut innersuussutigineqarpoq, 2015/16-imi siunnersuinermut sanilliullugu 1.600 tonsinik ikinnerullutik.

Aqutsiveqarfimmut Uummannamut biologit inassutigaat 2017/2018-imi 6.500 tonsinik pisassiisoqassasoq, 2015/16-imi siunnersuinermut sanilliullugu 500 tonsinik amerlanerussallutik.

Aqutsiveqarfimmut Upernavimmut 2017/18-imi annerpaamik 6.300 tonsinik pisassiisoqassasoq siunnersuutigineqarpoq, 2015/16-imi pisassiissutissatut siunnersuutigineqartut amerlaqataat.

Qalerallit, avataani
Biologit inassutigaat Davisstrædemi nunatta imartaani qalerallit 2018-imi 7.575 tonsit pisarineqarsinnaassasut. Qalerallit Canadap nunattalu aveqqissaassavaat, Davisstrædemi nunat taakku marluk namminneq imartaminni 7.575 tonsit aalisarsinnaassallugit. Qalerallit 1.500 tonsit Naalakkersuisut 2014-imi pinngitsoorani tulaanneqartussaatitaat Maniitsumut suli tulaanneqartussaatitaassapput.

Saarulliit, sinerissap qanittuani
Sinerissap qanittuani aappagu saarullittassat 36.500 tonsiupput. Biologit inassutaat naapertorlugu saarulliit 13.952 tonsit sinnerlugit aalisarneqassanngillat. Biologit 2018-imut inassutaat aappagumut sanilliullugit 1.573 tonsinik amerlanerupput.

Avaleraasartuut
2018-imi avaleraasartoortassat 66.365 tonsiupput. Pisassiissutigineqartut naammagineqarsinnaasutut killeqartinneqarput, Kalaallit Nunaannullu uppernarsineqarsinnaasumik aalisarluarsinnaaneranik takutitsivoq tullissaanut isumaqatigiinniartoqalerpat oqaluttuassartaa aallaavigalugu ajunngitsumik kinguneqassalluni.

Tabelini ilanngunneqartuni aalisakkat allat pisassiissutigineqartut takuneqarsinnaapput.

Attavigineqarsinnaavoq Aalisarnermut Piniarnermullu Naalakkersuisoqarfimmi aalisarnermut immikkoortortami pisortaq, Kunuk Holm. Email: kunh@nanoq.gl