Tammajuitsussanik piniartitsinermi ilisimasortatut pikkorissaaneq

Tammajuitsussanik piniartitsinermi ilisimasortatut pikkorissaaneq Campus Kujallermiit aaqqissorneqartoq APN-miillu suleqataaffigineqartoq piffissami 27. novembarimiit 2017-mi 30. novembari ilanngullugu Kangerlussuarmi ingerlanneqarpoq.

Pikkorissartut Qaanaamiit, Uummannamiit, Ilulissaniit, Qasigiannguaniit, Sisimiuniit, Kangerlussuarmiit, Itillimiit kiisalu Nuummiit tamarmik angusipput kisianni Nanortalimmiit pikkorissaanermi peqataasussat marluk silarlummik peqquteqartumik Kangerlussuarmut apuutinngitsoorput. 

Tammajuitsussanik piniartitsinermi ilisimasortatut allagartartaartut maannakkut periarfissarilerpaat umimmannik tuttunillu tammajuitsussanik piniartitsinermi ilisimasortatut aallartinnissaq imaluunniit umimmannik tuttunillu tammajuitsussanik piniartitsinermik ingerlatsissussatut qinnuteqarnissaq. 

Sukumiinerusumik paasisaqarusukkaanni immikkoortortaqarfimmi pisortaq Amalie Jessen attavigiuk, oqarasuaat 34 50 00, e-mail: amalie@nanoq.gl.

 

 

Tunorliit saamerlermiit: Kaj Henningsen (Ilulissat), Karl Jørgen Enoksen (Sisimiut), Nick Nielsen (Nuuk), Nick Olsen (Itilleq), René Møller Hansen (Ilulissat), Mads Ole Kristiansen (Qaanaaq) aamma Jens Kristian Reimer (Ilulissat). Saarliit saamerlermiit: Aslak Jensen (Nuuk), John Davidsen (Ilulissat), Christian Jerimiassen (Nuuk), Aqqa Lings (Kangerlussuaq), Vivi Lings (Kangerlussuaq), Paaluk Kreutzmann (Uummannaq) aamma Aannguaq Jerimiassen (Qasigiannguit).