Kitaani tikaagullittassiissutit qipoqqartassiissutillu sinneruttut ammaanneqarnerat

Kitaani tikaagullittassiissutit qipoqqartassiissutillu sinneruttut 23. november 2017-imi atuuttumik ammaanneqarnerat

Kalaallit Nunaata Kitaani tikaagulliit qamutilimmik tuukkartalimmik pisassat 36-it, qoorortoorsornermilu pisassat 12-it kiisalu Kalaallit Nunaata Kangiani tikaagulliit qoorortoorsorluni pisassaq tallimat 22. november 2017-imi suli pisarineqarsimanngillat. Kitaani qipoqqartassiissutit 10-t sinnerupput.

Pisassiissutigineqartut tamakkerneqarnissaat qulakkeerniarlugu, Aalisarnermut Piniarnermullu Naalakkersuisoq aalajangiivoq 23. november 2017-imiit atuuttumik tikaagulliit pisassiissutigineqartunit sinneruttut 48-it Kalaallit Nunaata kitaani kommunit sisamaasuni ammaanneqassasut tikaagullillu 5 Kalaallit Nunaata Kangiani aqutsiveqarfinnut marlunnut ammaanneqassallutik. Aammattaaq qipoqqaat sinneruttut qulit 23. novemberimiit Kalaallit Nunaata kitaani kommunit sisamaasuni ammaanneqarput.

Angallatit qamutilillit taamatullu ataatsimoorluni piniarnermut peqataasut tikaagullinniarnermik aamma qipoqqarniarnermik ilisimasaqarluartut nalunaarutini kinguliiniittuni piumasaqaatit malillugit tikaagullinniarnermi 1. martsimiit 30. novembarimut qipoqqarniarnermilu 1. januarimiit 31. decemberimut piniarsinnaapput.

Piniarneq siulersortimik akuersissummik pigisaqartumik aqunneqassaaq, taassumalu aamma akisussaaffigaa pisap kommunimut najugaqarfigisamut ingerlaannartumik nalunaarutigineqarnissaa.

Piniarnissani piumasaqaatit (www.lovgivning.gl)

Arfernik angisuunik piniarneq ukua malillugit ingerlanneqassaaq:

  • Arfernik angisuunik illersuineq pisallu pillugit Namminersorlutik Oqartussat nalunaarutaat nr. 12, 22. december 2014-imeersoq
  • Arfattat angisuut pissatallu nalunaarutigineqartarnerat pillugu Namminersorlutik Oqartussat nalunaarutaat nr. 12, 16. juli 2010-meersoq.

Paasissutissat sukumiinerusut pillugit attavigiuk:

Immikkoortortaqarfimmi pisortaq Amalie Jessen, oqarasuaat: 34 53 04, e-mail: amalie@nanoq.gl