2018-imut aningaasanut inatsit pillugu isumaqatigiissut

Naalakkersuisooqatigiit ualillunnartoq 2018-imut aningaasanut inatsit isumaqatigiissutigaat. Ilisimatitsissutigaarput partiit tamarmik isumaqatigiissut iluarigaat nunatsinnilu naligiinnerulernissamut tunngaviussasoq.

Aningaasanut inatsit kommunit akornanni pissutsit oqimaaqatigiinnerulernissaannut alloriarneq pingaartuuvoq. Isumaqatiissummi ilaatigut perorsaasut inunnillu isumaginninnermi siunnersuisutut najugaq qimannagu ilinniartunut kiisalu kulturimut timersornermullu aningaasaliisoqarnerulissaaq. Aamma Uumannami nutaamik umiarsualiviortoqarnissaanut Qaanaamilu malinnut illersuusiortoqarnissaanut aningaasaliinissaq qulakkeerneqarpoq.

Aningaasanut inatsimmi aamma aalisartunut piniartunullu siunnersuisoqarfimmut annertunerusunik tapiissuteqarnissaq kiisalu Tunumi aalisarnerup ineriartortinneqarnissaanut aalisakkanillu maannamut aalisarneqarsimanngitsunik misileraalluni aalisarnissat pingaartinneqarput.

2018-imut aningaasanut inatsimmi piffissamut 21018-2021 ingerlatsinermut sanaartornermullu aningaasatuutini 2018-imi 11,2 millioner koruuninik sinneqartoortoqarnissaa takuneqarsinnaavoq.

Inussiarnersumik inuulluaqqusillunga

Aqqaluaq B. Egede