Naalaarnissaq qanoq iliuuseqarnissarlu pingaaruteqarput

Naalagaaffiit Peqatigiit meeqqat pillugit isumaqatigiissutaata 20 november ullorsiornissaanut aallartisarnertut Isumaginninnermut, Ilaqutariinnermut, Naligiissitaanermut Inatsisinillu Atuutsitsinermut Naalakkersuisoq Sara Olsvigip saqqummiutissavaa musikvideo Maasi Pedersennip Josef Tarrak, Peter Lybertillu suliarineqarsimasoq.

Naalakkersuisoq Sara Olsvigimut pingaaruteqarpoq, meeqqat inuusuttullu oqariartuutaat ullormi isumaqatigiissuteqarnerup ullorsiornerani qitiutinneqarnissaat.

”Meerartagut qanorluunniit iliuuseqarlutik toqqissisimarusullutik  oqariartuuteqaraluarpata, naalaartariaqarpagut tusarnaarlugillu. Taamaaliortariaqarpugut, tamanna akisussaaffik qimarratigissannginnatsigu. Phillip nipilersukkamini ersarissumik oqariartuuteqarpoq, soorlu aamma Maasi inuusukkallarami taamaaliorsimasoq. Ullumikkut nipilersugaq nutaaq saqqummerpoq, Maasip oqaluttuuteqqippaatigut, qanoq tusarnaarnissap qanorlu iliuuseqarnissap pingaaruteqartiginera” Naalakkersuisoq Sara Olsvig taama oqaaseqarpoq.

Sara Olsvigip Maasi Pedersennillu suliamik inuiaqatigiinnut pingaarutilimmik oqariartuutilimmik suleqatigiissinnaanertik nuannaarutigaat.

”Kommuninut nalunaarusiat siunnerfipput allamut sangutissanngilaat, tassalu naggataani uagut inersimasut angajoqqaallu meeqqanut akisussaaffik annertooq tigummissagipput pingaaruteqarpoq, uagullu suaaruteqartussaasugut. Nipilersukkap meeraq ataasiinnarlunniit inersimasumik ikiortissarsiortissinnaappagu nipilersukkap anguniakkani angusimassavaa” Maasi Pedersen tapersiivoq

Nipilersukkap musikvideollu saqqummersinneqarnerat pissaaq ullumikkut tallimanngornermi 17 november Nuuk Centerimi nal. 16.30-17.30 Taassuma saniatigut Phillip takullugulu tusarnaarsinnaavarsi.

Musikvideo ullumi saqqummersereerpat Naalakkersuisuts facebookkianni tusagassiutinilu takuneqarsinnaanngussaaq. 

Naalakkersuisup allattaa Nina Jul Larsen, tlf. 539371 annerusumik paasisaqarusukkaani attavigineqarsinnaavoq.