Karl-Kristian Kruse: Aalisarnermut inatsissatut siunnersuutip aappaassaannik oqaluuserineqarnissaanut qilanaarpunga

Ullumikkut tulluussimaaqalungalu nuannaaqaanga partiit amerlanerussuteqarluartut Inatsisartut aalisarsinermut inatsisissatut siunnersuut siullermeerlugu oqaluuserimmassuk, amerlanerussuteqartunit ilalerneqarluni aalisarnermut, piniarnermut nunalerinermullu ataatsimiititaliamit suliarineqaqqittussanngormat.

Nunatta oqaluttuarisaanerata aalisarnermut oqaluttuassartaanut ulloq manna pingaaruteqarluinnarpoq. Ingammik nuannaarutigeqaara aalisarnermut inatsisissatut siunnersuut Naalakkersuisuunitta nalaani siullermeerlugu oqaluuserineqartoq ilalerneqarluarmat.

Naalakkersuisoqatigiinnitsinnimi tamanna anguniassallutigu pisimavarput. Tamannalu Naalakkersuisoqatigiinnissatsinnut isumaqatigiissutitta pingaarnersaasa ilagaat.
Siunnersuutip naammassiniarnera sivisuumik suliaasimavoq, suliaalluni ullumi novembarip 16-ianni 2017-imi ataatsimiinnermi saqqummiunneqarsinnaasunngorlugu.

Siunnersuutilli naammassineqarnissaa Naalakkersuisooqatigiit naalakkersuisunut tunuliaqutaasut aalajangiussimavaat.

Aalisarneq pillugu inatsisip naammassineqarnissaa Naalakkersuisoqatigiinnut tamaginnut ersarissumik anguniagaajuartuarpoq, taamaattumillu Naalaakkersuisooqatigiinnissamut isumaqatigiissummi assigisaanik qitiutinneqartarluni. Taamaattumik Naalakkersuisooqatigiit angisuumik anguniakkami ilaannik anguseqqissimanerminnik tulluussimaaruteqartorujussuuaat.

Ataatsimiititaliami suliarineqarnera qanimut malinnaaffigissuara, aappassaannillu upernaaru 2018-imi oqaluuserineqarnissaanut qilanaalereerpunga.

Attavigineqarsinnaavoq Aalisarnermut Pinianermullu Naalakkersuisoqarfimmi pisortaaneq, Jørgen Isak Olsen. Email: jio@nanoq.gl