Qinigaasinnaanernut ataatsimiititaliap aalajangiineri

Qinersineq

Qinigaasinnaanermut ataatsimiititaliaq kommunalbestyrelsinut, nunaqarfinni aqutsisunut aamma ilagiit sinniisaannut qinersinerup 4. april 2017-p kingorna qinigaasinnaanermut apeqqutinik tamanik aalajangiissuteqarpoq.

Qinigaasinnaanermut ataatsimiititaliaq ima inuttaqarpoq:

Siulittaasuugallartoq Anne-Sophie Abel Lohse – Nunatta Eqqartuussisuuneqarfia

Ineqi Kielsen, Siumut - Inatsisartut

Kelly Berthelsen, Inuit Ataqatigiit - Inatsisartut

Simon Simonsen, Siumut - KANUKOKA

Naja Petersen, Atassut – KANUKOKA

Biskoppi Sofie Petersenimut taartaagallartoq Emilie Steenholdt. Kalaallit Nunaanni Biskoppi ilagiit sinniisaannut suliani immikkut peqataatinneqartarpoq.

Qinigaasinnaanermut ataatsimiititaliap suliat katillugit 14 suliarai, ataatsimiititaliallu suliani tulliullugit taaneqartuni qinigaasinnaanermut annaasaqartitsinermik aalajangigaqarput:

Suliap normua 8/2017

Amos Ezekiasen Kommune Kujallermi kommunalbestyrelsimi sinniisussatut qinigaasoq, qinigaasinnaanngilaq.

Eqqartuussummi 10. oktober 2013 Amos Ezekiassen eqqartuunneqarpoq pinerluuteqarsimasunut inissiisarfimmiittussanngorlugu ulluni 40-ni makku pillugit:

1) Pinerluttulerinermi inatsimmiittup § 88 unioqqutinnera – nakuuserneq.

 

Suliap normua 5/2017

Johannes Fly Qeqqata Kommuniani kommunalbestyrelsimi sinniisussatut qinigaasoq, qinigaasinnaanngilaq.

10. marts 2015 eqqartuussinermi Johannes Fly eqqartuunneqarpoq kr. 3.000-nik akiliisussanngorlugu makku pillugit:

1) Pinerluttulerinermi inatsimiittup § 61, imm. 1, nr. 1, naleqqiuguk § 104, imm. 1 unioqqutinneri – suliani marlunni peqquserluuteqarluni uppernarsaatissanik atornerluineq.

 

Suliap normua 13/2017

Carl Simonsen Narsarmijiini Ilagiit sinniisaanni ilaasortassatut qinigaasoq, qinigaasinnaanngilaq.

12. februar 2014 akileeqqussummut akuersinikkut Carl Simonsen kr. 500,00-nik akiliisussanngortitaavoq makku pillugit:

1) Pinerluttulerinermi inatsimmiittup § 111, imm. 1 unioqqutinnera – tillitanik atueqataaneq aamma

10. november 2016 eqqartuussinermi Carl Simonsen eqqartuunneqarpoq pineqaatissiinertaqanngitsumik ulluni 30-ni, ukiumik ataatsimik misiliiffigineqarluni makku pillugit:

2) Pinerluttulerinermi inatsimmiittup § 102 unioqqutinnera – tillinneq

 

Suliap normua 10/2017

Josva Motzfeldt Qeqertarsuatsiaani ilagiit sinniisaannut qinigaasoq, qinigaasinnaanngilaq.

30. oktober 2013 akileeqqussummut akuersimmat Josva Motzfeldt kr. 3.000,00-nik akileeqquneqarpoq, makku pillugit:

1) Pinerluttulerinermi inatsimmiittup § 98 unioqqutinnera – inuup allap inuuneranik sioorasaarineq

 

Suliap normua 12/2017

Regine Svendsen Qeqertarsuarmi ilagiit sinniisaannut ilaasortassatut qinigaasoq, qinigaasinnaanngilaq.

13. april 2016 eqqartuussinermi Regine Svendsen eqqartuunneqarpoq pineqaatissiinertaqanngitsumik ulluni 14-ni pinerluuteqarsimasunut inissiisarfimmut inissinneqarsinnaasoq kiisalu kr. 3.000,00-nik akiliisinneqassasoq makku pillugit:

1) Pinerluttulerinermi inatsimmiittup § 106, imm. 1, nr. 1 unioqqutinneqarnera – allap piinik imminut paarititanik peqquserluttuliorneq

 

Suliap normua 17/2017

Thomas Suersaq Savissivimmi nunaqarfimmi aqutsisunut qinigaasoq, qinigaasinnaanngilaq.

18. august 2015 eqqartuussinermi Thomas Suersaq eqqartuunneqarpoq pinerluuteqarsimasunut inissiisarfimmut ulluni 30-ni inissinneqassasoq, ukiumik ataatsimik misiliinermik ilallugu uku pillugit:

1) Pinerluttulerinermi inatsimmiittup § 88 unioqqutinneqarnera – nakuuserneq

 

Suliap normua 20/2017

Elias Larsen Nuussuarmi/Nutaarmiuni/Tasiusami nunaqarfinni aqutsisunut sinniisussatut qinigaasoq, qinigaasinnaanngilaq.

15. august 2012 eqqartuussinermi Elias Larsen eqqartuunneqarpoq pineqaatissiinertaqanngitsumik ulluni 15-ni pinerluuteqarsimasunut inissiisarfimmut inissinneqarsinnaasoq uku pillugit:

1) Pinerluttulerinermi inatsimmiittup § 88 unioqqutinnera – nakuuserneq

 

Suliap normua 21/2017.

Isakki Isaksen Eqalugaarsunni/Saarlumi/Qassimiuni nunaqarfinni aqutsisunut sinnii-sussatut qinigaasoq, qinigaasinnaanngilaq.

22. april 2014 eqqartuussinermi Isakki Isaksen eqqartuunneqarpoq ukiup ataatsip misiliinertaqarfiusup iluani pineqaatissiinertaqanngitsumik pinerluuteqarsimasunut inissiisarfimmut ulluni 30-ni inissinneqarsinnaasoq makku pillugit:

1) Pinerluttulerinermi inatsimmiittup § 113, imm. 1 unioqqutinnera – pigisanik aseruineq

2) Pinerluttulerinermi inatsimmiittup § 102 unioqqutinnera - tillinneq

 

Suliap normua 22/2017.

Karl Berthelsen Paamiuni ilagiit sinniisaannut qinigaasoq, qinigaasinnaanngilaq.

26. februar 2013 eqqartuussinermi, nunattalu eqqartuussiviani 30. december 2013 eqqartuussinikkut atortussanngortinneqartumi, Karl Berthelsen eqqartuunneqarpoq qaammatini sisamani pinerluuteqarsimasunut inissiisarfimmut inissinneqassasoq kiisalu pinerlineqartumut kr. 20.000-nik taarsiissuteqassasoq makku pillugit:

1) Pinerluttulerinermi inatsimmiittup § 77, imm. 1, nr. 1 unioqqutinnera – nakuusernissaq sioorasaarutigalugu pinngitsaaliilluni allatut kinguaassiutitigut atoqatiginninneq.

 

Qulaani taaneqartut matuma qinigaaffimmi qinigaasinnaanerminnik annaasaqartut aamma kommunini qinersinermik siulersuisut Qinigaasinnaanermut ataatsimiititaliap aalajangigaannik ilisimatinneqarpoq. 

Qinigaasinnaanermut ataatsimiititaliap aalajangigai inaarutaapput maalaarutigineqarsinnaanatillu.

Annertunerusumik paasisaqarusukkuit uunga paasiniaasinnaavutit:

Qinigaasinnaanermut Ataatsimiititaliap siulittaasuat/ Formanden for Valgbarhedsnævnet

Anne-Sophie Abel Lohse

Eqqartuussisuunertut inissisimagalaartoq

Oqarasuaat: 36 39 00